| e-texts navigator |
| Wylie |
113b1 རང་གིས་ལྷར་སྦྱོར་བས། དངོས་གྲུབ་ཐམས་ཅད་བསྒྲུབ་པར་བྱ།། ཆོ་ག་ལྷག་གམ་མ་ཚང་ནའང་།། ཉེས་པ་མེད་དེ་འགྲུབ་པར་འགྱུར།། ཀུན་ཏུ་སྣ་ཚོགས་སྐལ་བཟང་པོ།། ཀུན་ཏུ་སྣ་ཚོགས་འཁོར་ལོ་ཅན།། ཀུན་ཏུ
113b2 སྣ་ཚོགས་གྲུབ་པའི་ཕྱིར།། དཀྱིལ་འཁོར་ཀུན་ཏུ་སྣ་ཚོགས་པའོ།། དཀྱིལ་འཁོར་ཟླུམ་པོ་སངས་རྒྱས་ཀྱི།། རྡོ་རྗེ་ཅན་གྱི་ཟླ་གམ་བཞིན།། པདྨའི་དབང་གི་པདྨའི་དབྱིབས།། རིན་ཆེན་མཆོག་གི་རིན་ཆེན
113b3 དབྱིབས།། ཇི་ལྟར་འདོད་པ་ཅི་འབྱོར་པ།། ཅི་ལྟའི་དུས་དང་ཅི་བདེ་བར།། དཀྱིལ་འཁོར་ཀུན་ཏུ་གནས་པར་དཔལ།། རྟ་མཆོག་ཕྱག་རྒྱ་རྡོ་རྗེའི་འོ།། དཀྱིལ་འཁོར་དུ་ནི་མ་ཞུགས་ཤིང་།། དམ་ཚིག་རྣམས་ནི་སྤངས
113b4 པ་དག། གསང་བ་ཡང་དག་མི་ཤེས་པས།། བསྒྲུབས་ཀྱང་ཅི་ཡང་མི་འགྲུབ་བོ།། སྲོག་ཆགས་གསད་པར་མི་བྱ་ཞིང་།། དཀོན་མཆོག་གསུམ་ནི་ཡོང་མི་སྤང་།། བྱང་ཆུབ་སེམས་ནི་མི་གཏང་སྟེ།། སློབ་དཔོན་སྐལ
113b5 བཟང་ཡོང་མི་གཏང་།། ཀུན་ཏུ་སྣ་ཚོགས་སྐལ་བཟང་པོར།། བདག་རང་བསྒྲུབས་པས་སྐལ་བ་བཟང་།། བདག་མིང་ཆོས་ཉིད་དང་ལྡན་པ།། དམ་ཚིག་ལ་སྡང་སྐལ་པ་ངན།། སྲིད་པ་ཤིན་ཏུ་བསྒྲུབས་པས་ན།། སྐལ
113b6 བཟང་སངས་རྒྱས་བཅོམ་ལྡན་འདས།། སྐལ་ངན་ཉན་ཐོས་འཇིག་རྟེན་ན།། ཤིན་ཏུ་ཡོངས་སུ་མྱ་ངན་འདས།། རྟོག་པ་ཐམས་ཅད་བསྒྲུབ་པའི་ཕྱིར།། སྐལ་བཟང་ཕྱག་ན་རྡོ་རྗེ་དཔལ།། སྟོང་པ་ཉིད་ལ་རབ་སྦྱོར
iiif viewer powered by OpenSeadragon
