| e-texts navigator |
| Wylie |
112b1 དཔའ་ལ་གནས་ཏེ།། གྲུབ་པའི་དབང་ཕྱུག་རབ་བསྒྲུབས་པས།། ཐམས་ཅད་བདག་ཉིད་གྲུབ་པར་བྱེད།། ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ།། སངས་རྒྱས་ཐམས་ཅད་དང་མཉམ
112b2 པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་སངས་རྒྱས་ཐམས་ཅད་མཉམ་པར་སྦྱོར་བ་མཁའ་འགྲོ་སྒྱུ་མའི་དཀྱིལ་འཁོར་གྱི་རྟོག་པ་སྟེ་དྲུག་པའོ།། །། དེ་ནས་གཞན་ཡང་བཤད་བྱ་བ།། རྡོ་རྗེ་སེམས
112b3 དཔའ་དཔལ་གྱི་ལྷ།། རྣམ་པ་སྣ་ཚོགས་ཀུན་གྱི་མཆོག། འཁོར་ལོ་ཐམས་ཅད་རྣམ་སྤྲུལ་པའོ།། གསང་བ་མཆོག་གི་དགྱེས་པ་ན།། ཐམས་ཅད་བདག་ཉིད་རྗེས་སུ་བསྒྲུབ།། དབེན་པ་ཡི་ནི་གནས་དག་གམ།། རང་གི
112b4 སྐྱེད་མོས་ཚལ་སོགས་པར།། ཀུན་ཏུ་སྣ་ཚོགས་སྐལ་བཟང་པོ།། ཀུན་ཏུ་སྣ་ཚོགས་བདེ་མཆོག་གིས།། ཀུན་ཏུ་སྣ་ཚོགས་དགོས་པ་རྣམས།། ཅི་བདེ་བར་ནི་བསྒྲུབ་པར་བྱ།། རྟེན་དང་དགོན་པ་གཙུག་ལག་ཁང་།། རི
112b5 ཡི་རྩེ་རྣམས་ཐམས་ཅད་དུ།། རྣམ་པ་དུ་མ་སྣ་ཚོགས་པ།། སངས་རྒྱས་དགོས་པ་བསྒྲུབ་པར་བྱ།། དུར་ཁྲོད་དང་ནི་ལྷ་རྟེན་དང་།། མ་མོའི་གནས་ལ་སོགས་འདུག་ན།། རྡོ་རྗེ་འཛིན་པའི་དགོས་པ་དག། རྣམ་པ་དུ་མར
112b6 འགྲུབ་པར་འགྱུར།། པདྨོའི་སྐྱེད་མོས་ཚལ་དགའ་དང་།། ཆུ་བོ་དག་གི་མདོ་དག་ཏུ།། པདྨ་འཛིན་པའི་དགོས་པ་རྣམས།། ཡང་དག་པར་ནི་འགྲུབ་པར་འགྱུར།། རྒྱལ་པོའི་ཕོ་བྲང་དགའ་བ་དང་།། རྒྱལ་པོའི་སྐྱེད
iiif viewer powered by OpenSeadragon
