| e-texts navigator |
| Wylie |
112a1 རྒྱས་ཐམས་ཅད་མཉམ་སྦྱོར་བའི།། མཁའ་འགྲོ་སྒྱུ་མ་གར་ཕྱེད་པས།། ཁམས་གསུམ་དག་ན་མ་ལུས་པར།། དངོས་པོ་ཀུན་ཏུ་དེ་འགྱུར་རོ།། པདྨ་སྒྱུ་མ་རྣམ་འཕྲུལ་བས།། སངས་རྒྱས་རྡོ་རྗེ་འཛིན་ལ
112a2 སོགས།། སྣ་ཚོགས་གཟུགས་བྱེད་རིམ་པ་ཡིས།། འགྲོ་བ་ཐམས་ཅད་མགུ་བར་བྱེད།། ཁམས་གསུམ་པ་ཡི་རྒྱལ་སྲིད་ཆེ།། མཇལ་དུམ་གཡུལ་འགྱེད་གྲུབ་པ་དག། རྒྱལ་སྲིད་སྒྱུ་མ་རྣམ་འཕྲུལ་བས།། བྱ་བ་ཐམས
112a3 ཅད་སྟོན་པར་བྱེད།། ཁམས་གསུམ་པ་ཡི་རྒྱལ་སྲིད་ཆེ།། བདག་རྟུལ་ཕོད་པས་མནན་ནས་ནི།། འགྲོ་བ་ཐམས་ཅད་རབ་འཇོམས་པར།། རྟ་ཡི་གར་གྱིས་སྟོན་པར་བྱེད།། དེ་ལ་སོགས་པ་མཐའ་ཡས་མཆོག། ཆོས
112a4 དབྱིངས་མཉམ་དང་མི་མཉམ་པ།། ནམ་མཁའི་དབྱིངས་ཀྱི་མཐའ་ཀླས་པའི།། སྣ་ཚོགས་ཀུན་གྱི་བདེ་མཆོག་གིས།། ནམ་མཁའ་ཀུན་གྱི་སྐབས་ན་དཔལ།། རྡོ་རྗེ་སེམས་དཔའ་དེ་བཞིན་གཤེགས།། དཔལ་དགྱེས
112a5 རོལ་པ་རྣམ་འཕྲུལ་པ།། སྣ་ཚོགས་ཀྱིས་ནི་རྣམ་པར་རོལ།། རྣམ་པ་སྣ་ཚོགས་སྐལ་བཟང་པོ།། རྣམ་པ་སྣ་ཚོགས་བདེ་མཆོག་གིས།། འདུལ་བ་རྣམ་པ་སྣ་ཚོགས་ཀྱིས།། སེམས་ཅན་ཁམས་ནི་རབ་ཏུ་བསྒྲུབ།། དེ་ལ
112a6 སོགས་པ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་དབྱིངས་ཀྱི་མཐའ་ཀླས་པའི།། སངས་རྒྱས་ཐམས་ཅད་འབྱུང་བའི་མཆོག། ནམ་མཁའ་ཀུན་གྱི་སྐབས་ན་དཔལ།། རྡོ་རྗེ་སེམས
iiif viewer powered by OpenSeadragon
