| e-texts navigator |
| Wylie |
110a1 སེམས་དཔའ་ལ་གནས་ཏེ།། མཆོད་པ་མ་ལུས་ལུས་མེད་པའི།། རབ་འབྱམས་ལས་ལའང་སྦྱར་དུ་རུང་།། གང་དག་གྲུབ་པར་མ་གྱུར་དང་།། མཆོད་པ་དག་ནི་མི་འབྱོར་པ།། ཕྱག་རྒྱ་འདི་ཡིས་མཆོད
110a2 བྱས་ན།། མཆོད་པ་ཐམས་ཅད་མྱུར་དུ་འགྲུབ།། མཆོད་པའི་སྦྱོར་བ་འདི་དག་དང་།། ལྷ་མོ་བཞི་པོ་དག་གིས་ནི།། མེ་ཏོག་ལ་སོགས་མཆོད་བྱས་ནས།། སློབ་མ་ཐམས་ཅད་གཟུང་བར་བྱ།། དངོས་གྲུབ་འདོད་པས་ཅི
110a3 འདོད་པར།། སྙིམ་པའི་གར་ནི་ཀུན་བསྐྱོད་ནས།། དེ་དག་གདོང་ནི་མཛེས་པ་ཡི།། རས་ཀྱིས་གཡོགས་ཏེ་གཟུང་བར་བྱ།། དངོས་གྲུབ་ཇི་ལྟར་འཐོབ་འདོད་པར།། སློབ་མ་མེ་ཏོག་འཐོར་དུ་གཞུག། ལྷ་མོ་གང་ལ
110a4 ལྷུང་བ་ནི།། ལྷ་དེ་དེ་ལ་འགྲུབ་པར་འགྱུར།། དེ་ནས་གདོང་ནི་བཀྲོལ་ནས་ཀྱང་།། ཡོན་གྱི་མཆོག་ནི་བླང་བར་བྱ།། སངས་རྒྱས་རིན་ཆེན་དབང་བསྐུར་བས།། ཅི་ལྟ་བར་ནི་དབང་བསྐུར་རོ།། དམར་ཆེན་པོ་དང་ག
110a5 པུར་བཅས།། ཙནྡན་དམར་པོ་སྦྱར་བ་རྣམས།། ཚོགས་ཀྱི་དབུས་སུ་བཞག་པ་ལ།། གཡོན་པ་མཚན་འཛིན་རྡོ་རྗེ་བཅས།། རང་གི་ལྷ་ཡི་རྣལ་འབྱོར་ལྡན།། སྲིན་ལག་དང་ནི་མཐེ་བོང་རྩེས།། ཞི་བའི་བཏུང་བ་བཞིན
110a6 མྱངས་ན།། རྟག་པའི་དངོས་གྲུབ་ཐོབ་པར་འགྱུར།། སངས་རྒྱས་ཐམས་ཅད་མཉམ་སྦྱོར་བའི།། མཁའ་འགྲོ་སྒྱུ་མའི་ཚོགས་ཀྱིས་ཀྱང་།། རྒྱས་མི་ཐེབས་ཤིང་མི་རྨོངས་ཏེ།། དེ་ལ་གནོད་པར་མི་འགྱུར་རོ།། དེ་ནས
iiif viewer powered by OpenSeadragon
