| e-texts navigator |
| Wylie |
109a1 པའི།། ནམ་མཁའི་དབྱིངས་ཀྱི་མཐའ་ཀླས་པའི།། རང་བྱུང་རྣམས་ཀྱི་ཀླུ་ཡི་རྒྱ།། ནམ་མཁའ་ཀུན་གྱི་སྐབས་ན་དཔལ།། རྡོ་རྗེ་སེམས་དཔའ་ལ་ནི་གནས།། གྲུབ་པའི་དབང་ཕྱུག་རབ་གྲུབ
109a2 པས།། ཐམས་ཅད་བདག་ཉིད་གྲུབ་པར་འགྱུར།། གླུ་འདི་དག་ནི་བླངས་པ་དང་།། ལྷ་མོ་ཀུན་གྱིས་རབ་བསྐུལ་ནས།། མཁའ་འགྲོ་སྒྱུ་མ་བདེ་མཆོག་གིས།། སངས་རྒྱས་ཀུན་གྱི་བདག་ཉིད་འགྲུབ།། དབང་པོ
109a3 ཀུན་ལས་བྱུང་བ་ཡི།། མཆོད་པའི་སྤྲིན་ཆེན་རྣམ་བཀོད་པ།། རབ་འབྱམ་ཚོགས་རྣམས་ཐམས་ཅད་ཀྱིས།། ཀུན་གྱི་བདག་ཉིད་མཆོད་པར་བྱེད།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ
109a4 མཆོག་གིས།། དངོས་པོ་ཀུན་གྱི་བདག་ཉིད་ལུས།། མ་ལུས་ལུས་པ་མེད་པར་འགྲུབ།། སྟོན་པའི་ཕྱག་རྒྱ་ཕབ་པ་ཡང་།། བུད་མེད་དག་ཀྱང་བསྒྲུབས་ནས་ནི།། རྡོ་རྗེར་བཅས་པའི་མཚན་མ་འཛིན།། རྣལ་འབྱོར་མར
109a5 ནི་རབ་ཏུ་འགྱུར།། དེ་དག་རང་གི་ལྷ་རྣམས་དང་།། འདྲ་བར་བྱིན་གྱིས་བརླབས་བསྒྲུབས་ནས།། སྔོན་མིང་རོལ་མོའི་སིལ་སྙན་གར།། རྣམ་པར་འཕྲུལ་པས་འགྲུབ་པར་འགྱུར།། ལྷ་ཡི་གཟུགས་དང་སྒྲ་དང་དྲི།། རོ
109a6 དང་རེག་བྱ་བདེ་མྱོས་པས།། བདག་ཉིད་རང་གི་ལྷར་མཐོང་ཞིང་།། མཆོད་པ་དག་ཀྱང་བྱེད་པར་འགྱུར།། ལྷ་ཡི་མཆོད་པ་མཉམ་སྦྱོར་བ།། སྐལ་བཟང་མཆོག་གི་འདོད་ཆགས་ཅན།། རྣམ་པ་ཀུན་ཏུ་སྐལ་བཟང
iiif viewer powered by OpenSeadragon
