| e-texts navigator |
| Wylie |
106b1 མཉམ་སྦྱོར་བ།། མཁའ་འགྲོ་སྒྱུ་མ་བདེ་མཆོག་བསྒྲུབ།། ཡང་ན་བདག་གི་གནས་དག་གམ།། སྐྱེད་མོས་ཚལ་ལ་སོགས་པར་བསྒྲུབ།། དེར་ནི་དང་པོར་གདན་བཤམས་ཏེ།། འཇམ་ཞིང་རེག་ན་བདེ་འགྱུར་བ།། སྣ
106b2 ཚོགས་པདྨ་རས་ཀྱིས་གཡོགས།། དེ་ནི་ཐམས་ཅད་དག་པའི་གདན།། སངས་རྒྱས་ཐམས་ཅད་མཉམ་སྦྱོར་བ།། སྦྱོར་བའི་དབང་ཕྱུག་རྣམ་འཕྲུལ་བས།། རྡོ་རྗེ་སེམས་དཔའ་དཔལ་གྱི་ལྷ།། དེས་ན་རྣམ་པར་འཕྲུལ་པ
106b3 མཛད།། སྟན་དེ་དག་ནི་ཐམས་ཅད་ལ།། ཅི་ལྟར་གནས་པ་བཞིན་དུ་དགོད།། གྲུ་བཞི་པ་ལ་སྒོ་བཞི་པ།། རྟ་བབས་བཞི་ཡིས་མཛེས་པར་བྱས།། རྡོ་རྗེ་རིན་ཆེན་པདྨ་སོགས།། སྒོ་སྲུང་དང་ནི་ལྡན་པར་བྱས།། རང་གི
106b4 ལྷ་དང་འདྲ་བ་ཡི།། བུད་མེད་དག་ནི་ལེགས་བསྒྲུབས་པ།། སྐལ་བཟང་རང་གི་ཕྱག་རྒྱས་མཚན།། ཚོགས་ཀྱི་དཀྱིལ་འཁོར་བརྟག་པར་བྱ།། མི་ཡི་མཚལ་ནི་གྲུབ་པ་ལ།། དམར་ཆེན་པོ་ཞེས་བྱ་བར་བཤད།། ངོ་བོ
106b5 ཉིད་ཀྱི་མཐུ་དག་དང་།། རང་བཞིན་གྱིས་ནི་དེ་གྲུབ་པའོ།། རྡོ་རྗེའི་ཆུ་དང་རྡོ་རྗེར་བཅས།། མཚལ་ཆེན་པོ་དག་བསྒྲུབ་པ་ནི།། མཐུ་ཡིས་རབ་ཏུ་གྲུབ་པ་སྟེ།། པདྨའི་སྣོད་ཀྱི་ནང་དུ་བཞག། ཆགས་པ་ཆེན་པོ་བཅོམ
106b6 ལྡན་འདས།། རྡོ་རྗེ་སེམས་དཔའ་དེ་བཞིན་གཤེགས།། སངས་རྒྱས་ཀུན་གྱི་རྡོ་རྗེའི་ཐུགས།། དམ་ཚིག་འདི་ནི་འདའ་བར་དཀའ།། དེ་ཡི་མཚལ་དང་ཁུ་བ་དང་།། མཚལ་ཆེན་པོ་ནི་བསྒྲུབ་པ་དག། ཆགས་པ་ཆེན་པོ
iiif viewer powered by OpenSeadragon
