| e-texts navigator |
| Wylie |
106a1 དབུགས་ཕྱུང་བའོ།། །། དེ་ལས་སོགས་པ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་དབྱིངས་ཀྱི་མཐའ་ཀླས་པའི།། རང་བྱུང་རྣམས་ཀྱི་གཏམ་གྱི་རྟགས།། ནམ
106a2 མཁའ་ཀུན་གྱི་སྐབས་ན་དཔལ།། རྡོ་རྗེ་སེམས་དཔའ་རབ་ཏུ་གནས།། གྲུབ་པའི་དབང་ཕྱུག་རབ་གྲུབ་པས།། ཐམས་ཅད་བདག་ཉིད་འཇུག་པར་བྱེད།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད
106a3 གསུངས་སོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་གཏམ་གྱི་ཕྱག་རྒྱ་ཞེས་པ་རྟོག་པ་སྟེ་ལྔ་པའོ།། །། དེ་ནས་གཞན་ཡང་ཐམས་ཅད་དུ།། རྣམ་པ་སྣ་ཚོགས
106a4 མཆོག་འབྱུང་བའི།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མའི་བདེ་མཆོག་བཤད།། དཔལ་ལྡན་སངས་རྒྱས་ཀུན་གྱི་དངོས།། རྡོ་རྗེ་སེམས་དཔའ་བདེ་འབྱུང་བ།། གསང་བ་མཆོག་གི་དགྱེས་པ
106a5 ན།། ཐམས་ཅད་བདག་ཉིད་རྟག་ཏུ་བཞུགས།། སངས་རྒྱས་ཀུན་གྱི་དམ་ཚིག་དཔལ།། རྡོ་རྗེ་སེམས་དཔའ་སྣང་བ་བདེ།། དེ་བཞིན་གཤེགས་པའི་ལྷ་རྫས་མཆོག། རིན་ཆེན་རྒྱན་ལ་སོགས་པས་སྤྲས།། དྲིལ་བུ་རྒྱལ
106a6 མཚན་མཆོག་ལྡན་པའི།། བླ་རེ་དམ་པ་བྲེས་པ་ན།། རྡོ་རྗེ་གླུ་དང་མཆོད་ལ་སོགས།། གླུ་དང་སིལ་སྙན་རྣམ་པར་འཕྲུལ།། མེ་ཏོག་འདུག་པའི་སྦྱོར་བ་དང་།། མར་མེ་དྲི་དང་སོགས་ལྡན་པ།། སངས་རྒྱས་ཐམས་ཅད
iiif viewer powered by OpenSeadragon
