| e-texts navigator |
| Wylie |
105b1 དབང་ཕྱུག་མ།། ཕྲོགས་ནས་དེ་ཚེ་ཉེ་བར་སྤྱོད།། དེ་ལ་སོགས་པ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་དབྱིངས་ཀྱི་མཐའ་ཀླས་པར།། རྡོ་རྗེ་ལས་མཆོག་རྣམ་གནོན་པ།། ནམ
105b2 མཁའ་ཀུན་གྱི་སྐབས་ན་དཔལ།། རྡོ་རྗེ་སེམས་དཔའ་རབ་ཏུ་གནས།། ཐབས་དང་རྩལ་གྱི་གྲུབ་པ་ཡིས།། དྲག་ཤུལ་སྦྱོར་བས་བསྒྲུབས་ན་ནི།། ཁམས་གསུམ་རྒྱལ་སྲིད་མ་ལུས་པར།། རྡོ་རྗེ་འཛིན་པ་དེས་ཐོབ
105b3 ནས།། བྱང་ཆུབ་སེམས་ནི་མཐའ་ཡས་མཆོག། དྲག་ཤུལ་སྦྱོར་བས་གྲུབ་པར་བྱེད།། ཐམས་ཅད་དག་པར་མོས་པ་ཡིས།། སྡིག་མེད་སྟོབས་ཀྱིས་ངོ་འཐོན་དུ།། རྩལ་གྱིས་ཕ་རོལ་གནོན་པ་ཡིས།། སངས་རྒྱས་བྱང
105b4 ཆུབ་རབ་ཏུ་འབྲེལ།། ལྷ་ཡི་དངོས་གྲུབ་དཀའ་བ་དང་།། སངས་རྒྱས་བྱང་ཆུབ་བདེ་ཆེན་པོ།། གོ་འཕང་མཆོག་ནི་རྟག་པ་དག། རང་གི་རྣལ་འབྱོར་གྱིས་ཐོབ་ནས།། སེམས་ཅན་ཁམས་ནི་དུ་མ་དག། མ་ལུས་པར་ནི
105b5 རྒྱས་འདེབས་ཤིང་།། འཆི་མེད་བྱང་ཆུབ་དཀའ་བ་དག། སེམས་ཅན་རྣམས་ལ་བརྟན་པར་སྦྱིན།། རྟ་མཆོག་རྣམ་པར་སྤྲུལ་པ་ཡིས།། མ་ལུས་ལུས་པ་མེད་པ་ཡི།། བསྐལ་པ་ཀུན་ཏུ་སྲིད་པར་གནས།། སེམས་ཅན
105b6 ཀུན་གྱི་དོན་ཀྱང་བྱེད།། དེ་ལྟར་རྟ་མཆོག་དཔལ་ལ་སོགས།། རྟོག་པ་བླ་མེད་ཐམས་ཅད་ཀྱིས།། ནམ་མཁའི་དབྱིངས་ཀྱི་མཐའ་ཀླས་པའི།། སེམས་ཅན་ཁམས་རྣམས་རབ་ཏུ་བསྒྲུབས།། དཔལ་རྟ་མཆོག་གིས
iiif viewer powered by OpenSeadragon
