| e-texts navigator |
| Wylie |
104a1 སྦྱོར་བ་ཡིས།། རྡོ་རྗེ་ཆོས་སུ་གནས་པར་གྱུར།། ཇི་ལྟར་པདྨ་དམར་པོ་འདི།། ཚོན་གྱི་ཉེས་པས་མི་གོས་པ།། དེ་བཞིན་བག་ཆགས་ཁམས་གསུམ་གྱི།། ཉེས་པ་སྣ་ཚོགས་རྣམ་པར་དག། འདིས་ནི་ཀུན
104a2 ཏུ་གཟིགས་པས་ན།། རྒྱལ་བ་དབང་ཕྱུག་ཉིད་དུ་འགྱུར།། དཔལ་ལྡན་སྤྱན་རས་གཟིགས་ཀྱི་དབང་།། རྡོ་རྗེ་སེམས་དཔའ་དེ་བཞིན་གཤེགས།། འདོད་ཆགས་ཐམས་ཅད་དག་པས་ན།། མཆོག་སྦྱིན་དམ་པ་བཅོམ
104a3 ལྡན་འདས།། འདུལ་བའི་ཐབས་ནི་སྣ་ཚོགས་ཀྱིས།། སྣ་ཚོགས་པ་ནི་འདུལ་བར་སྤྲོ།། ཀུན་ཏུ་སྤྱན་རས་གཟིགས་དབང་རྒྱལ།། པདྨ་གར་གྱི་དབང་ཕྱུག་གྱུར།། པདྨོའི་རྒྱལ་པོ་མཉམ་སྦྱོར་བ།། མཁའ་འགྲོ་སྒྱུ་མ་བདེ
104a4 མཆོག་དེས།། པདྨ་གར་དབང་ལ་སོགས་ཀྱི།། རྟོག་པ་བླ་མེད་ཐམས་ཅད་ཀྱིས།། ནམ་མཁའི་དབྱིངས་ཀྱི་མཐའ་ཀླས་པའི།། སེམས་ཅན་ཁམས་ནི་རྣམ་པར་སྦྱངས། དཔལ་པདྨ་གར་གྱི་དབང་ཕྱུག་གིས་དབུགས
104a5 ཕྱུང་བའོ།། །། འདས་པའི་དུས་ན་སྔོན་བྱུང་བ།། བདག་ཉིད་ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་ནི་སྔོན་བྱུང་བ།། དེ་ཚེ་སེམས་ཅན་ཐམས་ཅད་ནི།། ཤིན་ཏུ་གདུག་ཅིང
104a6 བརྐམ་པར་འགྱུར།། ཤིན་དུ་འཇུངས་པར་གྱུར་པ་ཡིས།། ཡི་དྭགས་རྣམས་དང་དམྱལ་བར་ལྷུང་།། དེ་ནས་འཕོས་ནས་སླར་ཡང་ནི།། ཤིན་ཏུ་དབུལ་པོར་སྐྱེས་པར་གྱུར།། བཀྲེས་དང་སྐོམ་པའི་སྐྱོན
iiif viewer powered by OpenSeadragon
