| e-texts navigator |
| Wylie |
103b1 བཅས།། ཉི་ཟླ་གཤིན་རྗེ་ཚངས་པར་བཅས།། གནས་གསུམ་དག་ནི་འབར་བྱས་ནས།། ཐལ་བ་བཞིན་དུ་རབ་ཏུ་བཤིག། རྡོ་རྗེ་རྡོ་རྗེ་ཁ་ཊྭཱཾ་ག། དྲིལ་བུའི་སྒྲ་ནི་གསིལ་བ་ཡིས།། ཐམས་ཅད་ཕབ་ནས་སླར་ཡང
103b2 ནི།། ཐལ་བར་གྱུར་པའང་འཚོ་བར་བྱེད།། དེ་ཡི་འབར་བའི་ཉི་མ་ལས།། བྱུང་བའི་གྲིབ་མ་མི་བཟད་པ།། བསྐྱེད་ནས་མ་ལུས་བདུད་ལ་སོགས།། གདུག་པ་རྣམས་ཀྱི་ཁྲག་ཟ་ནུས།། རྒྱལ་པོ་དེ་ནི་དེ་དག
103b3 དང་།། ལྷན་ཅིག་དུར་ཁྲོད་རྣམ་པར་རོལ།། ཐམས་ཅད་རྡོ་རྗེ་མཉམ་སྦྱོར་བ།། མཁའ་འགྲོ་དཀྱིལ་འཁོར་འབར་བ་ཡིས།། ཤིན་ཏུ་གདུག་ཅིང་ཁྲོ་དྲག་པའི།། སེམས་ཅན་ཁམས་ནི་རྣམ་སྦྱངས་ནས།། དག་པའི་སངས
103b4 རྒྱས་ཞིང་རྣམས་སུ།། སངས་རྒྱས་བྱང་ཆུབ་དག་ལ་བཀོད།། རྡོ་རྗེ་འདོད་ཁྲོ་ལ་སོགས་ཀྱི།། རྟོག་པ་བླ་མེད་ཐམས་ཅད་ཀྱིས།། ནམ་མཁའི་དབྱིངས་ཀྱི་མཐའ་ཀླས་པའི།། སེམས་ཅན་ཁམས་ནི་རྣམ་པར
103b5 སྦྱངས།། དཔལ་ཧེ་རུ་ཀས་དབུགས་ཕྱུང་བའོ།། །། འདས་པའི་དུས་ན་སྔོན་བྱུང་བ།། བདག་ཉིད་ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་ནི་སྔོན་བྱུང་བ།། དེ་ཚེ་སེམས
103b6 ཅན་ཐམས་ཅད་ནི།། ལོག་པར་ལྟ་ལ་གནས་པར་གྱུར།། ཤིན་ཏུ་ལྟ་བ་ངན་པ་ཡིས།། འོ་དོད་འབོད་པ་ཆེན་པོར་ལྷུང་།། རྣལ་འབྱོར་དེ་ཉིད་བཅོམ་ལྡན་འདས།། བྱང་ཆུབ་སེམས་ནི་རྣམ་སྦྱང་ཕྱིར།། པདྨོ་ཆགས་པར
iiif viewer powered by OpenSeadragon
