| e-texts navigator |
| Wylie |
103a1 རྒྱས་ཐམས་ཅད་གཤེགས་འགྱུར་ན།། གཞན་ལྟ་སྨོས་ཀྱང་ཅི་ཞིག་དགོས།། རྡོ་རྗེ་སེ་གོལ་གཏོགས་པ་ཡིས།། འཇིག་རྟེན་ཁམས་ནི་མ་ལུས་པར།། སངས་རྒྱས་རྡོ་རྗེ་འཛིན་བཅས་པ།། ཀུན་གྱིས་ཏིལ
103a2 འབྲུ་བཞིན་དུ་རྒྱས།། ཤིན་ཏུ་གདུག་ཅིང་གཏུམ་པོ་ལ།། ཞི་བས་ཕན་པར་མི་འགྱུར་ཏེ།། ཤེས་རབ་ཐབས་ཀྱི་ངོ་བོ་ཡིས།། ཁྲོ་བོར་དེ་བཞིན་གཤེགས་ཀུན་མཛད།། ཁྲོ་བོའི་ཚུལ་ཅན་ཁྲོས་པས་ཀྱང་།། འཇིག་རྟེན
103a3 གསུམ་དག་སྲེག་བྱེད་ན།། སངས་རྒྱས་ཐམས་ཅད་ཁྲོས་པ་ཡིས།། ཁམས་གསུམ་མ་ལུས་སྨོས་ཅི་དགོས།། དེ་ནས་སྣ་ཡི་རྩེ་མོ་ལ།། ཡིད་ནི་བརྟན་པར་ཡང་དག་གཟུང་།། སྣའི་དབུགས་རིང་དྲོ་བ་ལས།། རྒྱལ་བས
103a4 ཕྱག་རྒྱའི་སྦྱོར་བ་བྱུང་།། བཅོམ་ལྡན་དེ་ཉིད་རྣལ་འབྱོར་པ།། རྡོ་རྗེ་ཁྲོ་བོར་གྱུར་ནས་བྱུང་།། དཔལ་ཆེན་རྡོ་རྗེ་ཧེ་རུ་ཀ། འབར་བས་ཐལ་བས་རབ་ཏུ་འཇིག། སེམས་དཔའ་སྔོན་པོར་འབར་བའི་ངང་།། འོད་ཀྱི
103a5 ཀྱིལ་འཁོར་དམར་པོར་འབར།། འཇིག་པ་ཆེན་པོའི་དུས་ལྟར་དྲག། དུར་ཁྲོད་ཀྱི་ནི་མེ་དང་འདྲ།། འབར་བ་ཆེན་པོ་སྐྲ་འབར་བ།། ཐོད་པ་མང་པོའི་དབུ་རྒྱན་ཅན།། འཇིག་པ་ཆེན་པོའི་དུས་ལྟར་དྲག། དུར་ཁྲོད
103a6 བཞིན་དུ་རབ་ཏུ་འཇིགས།། ཁྲོ་ལ་སོགས་པའི་ཚུལ་ལྡན་པ།། ཞལ་རྣམས་སྣ་ཚོགས་འགྱུར་བ་དང་།། སྨིན་མ་ཁྲོ་གཉེར་བཅས་པར་འགྱུར།། འབར་བའི་ལྟ་བས་གར་བྱས་པས།། གུ་ལད་དབང་ཆེན་ཉེ་དབང
iiif viewer powered by OpenSeadragon
