| e-texts navigator |
| Wylie |
102a1 ཡི་ངོ་བོར་བྱ།། ཤིན་ཏུ་མཉམ་གཞག་སྦྱོར་བ་ཡིས།། སངས་རྒྱས་ཀུན་དང་མཉམ་སྦྱོར་ཞིང་།། ཇི་ལྟར་མོས་པའི་ཆགས་པ་དང་།། ཥ་ཌ་པ་ལ་སོགས་པ་ཡིས།། ཅི་ནས་ཡོངས་སུ་མ་སྐྱོ་བར།། རྟག་ཏུ
102a2 ཚད་མེད་བཟླས་པར་བྱ།། ཀུན་ཏུ་ཀུན་ནས་ཐམས་ཅད་ནི།། བདག་ཉིད་རྟག་ཏུ་རྣམ་པ་ཀུན།། སངས་རྒྱས་ཀུན་ཏུ་དངོས་གྲུབ་པ།། རབ་ཏུ་མཐོང་ཞིང་མཆོག་གྲུབ་པའོ།། འདི་ཡིས་སངས་རྒྱས་ཐམས་ཅད་དང་།། དེ
102a3 བཞིན་དཔའ་བོ་ཐམས་ཅད་དང་།། རྡོ་རྗེ་འཛིན་པ་ཐམས་ཅད་དུ།། ཚེ་འདི་ཉིད་ཀྱིས་འགྲུབ་པར་འགྱུར།། སངས་རྒྱས་ཀུན་གྱི་ཡོན་ཏན་བསྔགས་པ་རྒྱ་ཆེ་བ།། བསྟོད་པའི་རྒྱལ་པོ་མཆོག་ནི་ལན་ཅིག་གླུར་བླངས
102a4 པས།། ཀུན་ཏུ་འགྲོ་བའི་རྣལ་འབྱོར་དམ་པ་རྟག་པའི་མཆོག། དངོས་གྲུབ་མི་ཟད་བདེ་བའི་མཆོག་ཉིད་ཐོབ་པར་འགྱུར།། བསྟོད་པའི་རྒྱལ་པོ་འདི་ཡིས་ནི།། ཐམས་ཅད་བདག་ཉིད་དབང་ཕྱུག་མཆོག། སྣ་ཚོགས
102a5 ཀུན་གྱིས་རྣམ་འདུལ་བ།། དེ་བཞིན་གཤེགས་པ་ཀུན་གྲུབ་སྟེ།། དེ་བས་དམ་ཚིག་གསུམ་ལ་སོགས།། རྟོག་པ་བླ་མེད་ཐམས་ཅད་ཀྱིས།། ནམ་མཁའ་དབྱིངས་ཀྱི་མཐའ་ཀླས་པའི།། སེམས་ཅན་ཁམས་ནི་རྣམ་པར
102a6 གྲོལ།། དཔལ་རྣམ་པར་སྣང་མཛད་ཀྱིས་དབུགས་ཕྱུང་བའོ།། །། འདས་པའི་དུས་ན་སྔོན་བྱུང་བ།། བདག་ཉིད་ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་དུ་སྔོན་བྱུང་བ།། དེ་ཚེ
iiif viewer powered by OpenSeadragon
