| e-texts navigator |
| Wylie |
101a1 པའི་ཆོས་རྣམས་ལ།། སེམས་ཅན་དོན་དུ་ཡོངས་བརྟགས་པ།། རྣམ་པར་མི་རྟོག་ལ་མོས་པས།། ཐམས་ཅད་རྟོག་པས་བརྟག་པར་བྱ།། བྲག་ཆ་ཡི་ནི་སྒྲ་འདྲ་བ།། ཆོས་ཀྱི་ཚིག་ཏུ་དེ་འགྱུར་ཏེ།། དེ
101a2 ལས་ཐེག་པ་ཆེན་པོ་ཡི།། ཡང་དག་ཡོན་ཏན་རྒྱས་པའི་གླུས།། དུས་གསུམ་པ་ཡི་དམ་ཚིག་གསུམ།། དེ་བཞིན་གཤེགས་པ་ཐམས་ཅད་བསྟོད།། མཉམ་མེད་མི་གཡོ་མཉམ་མེད་མཆོག་གི་ཆོས་ཉིད་ཅན།། ཐུགས
101a3 རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད།། ཡོན་ཏན་མཐའ་ཡས་དངོས་གྲུབ་ཐམས་ཅད་སྦྱིན་མཛད་པ།། དྲི་མེད་མི་གཡོ་མཉམ་མེད་དམ་པའི་མཆོག་ཆོས་ཅན།། ཡོན་ཏན་ཤིན་ཏུ་ཕྲ་བའི་ཆ
101a4 ལའང་ཚད་མེད་དེ།། དཔེ་ནི་ནམ་མཁའ་དང་ཡང་བསྐྲུན་དུ་ཡོད་མ་ཡིན།། དངོས་གྲུབ་མཐའ་ཡས་མཉམ་མེད་དཔེ་དང་བྲལ་བ་རྣམས།། སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ།། རྟག་ཏུ་དྲི
101a5 མ་མེད་པའི་ཐུགས་རྗེའི་ཤུགས་ལས་བྱུང་།། སྨོན་ལམ་གྲུབ་པ་འགག་པ་མེད་པའི་ཆོས་ཉིད་ཅན།། འགྲོ་བའི་དོན་སྒྲུབ་རབ་ཏུ་བརྩོན་པ་མཐའ་ཡས་པ།། ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་།། ཚད
101a6 མེད་ཚད་དང་བྲལ་བས་ཤིན་ཏུ་རྫོགས་པ་ཡི།། བདེ་བར་གཤེགས་པའི་གོ་འཕང་དམ་པ་བརྙེས་གྱུར་ཀྱང་།། ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛད།། ཐུགས་རྗེ་སྤྱོད་པ་མི་གཡོ་འགག་པར་ཡོད
iiif viewer powered by OpenSeadragon
