| e-texts navigator |
| Wylie |
100b1 བཅོམ་ལྡན་འདས།། རྟག་པ་དམ་པ་བརྟན་པ་སྟེ།། རྟག་ཏུ་ལྟར་འབྱུང་བ་བཞིན།། ངོ་བོ་ཉིད་ནི་འདའ་བར་དཀའ།། ཆོ་ག་སྣ་ཚོགས་འདོད་རྣམས་ལ།། ལས་ཀྱི་སྦྱོར་བ་སྣ་ཚོགས་ཀྱིས།། སངས་རྒྱས་རྡོ་རྗེ་འཛིན་ལ
100b2 སོགས།། འདུལ་བའི་ཕྱིར་ནི་བྱས་པ་ཡིན།། སངས་རྒྱས་ལ་སོགས་བརྟན་གཡོ་ཀུན།། ཀུན་གྱི་དངོས་པོར་འདི་འགྱུར་རོ།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། སྒྱུ་མའི་སྦྱོར
100b3 བ་འདི་ཡིས་ནི།། རྣམ་པ་སྣ་ཚོགས་ཀུན་གྱི་མཆོག། སེམས་ཅན་ཀུན་གྱི་དོན་མཆོག་རྣམས།། སངས་རྒྱས་ལ་སོགས་འདུལ་བས་འགྲུབ།། དཔལ་རྡོ་རྗེ་སེམས་དཔས་དབུགས་ཕྱུང་བའོ།། །། འདས་པའི་དུས་ན
100b4 སྔོན་བྱུང་བ།། བདག་ཉིད་ཆེན་པོ་རྟག་པ་ཡི།། དེ་བཞིན་གཤེགས་པའི་གསུང་རབ་ལ།། འགྲོ་བའི་ཚུལ་ནི་སྔོན་བྱུང་བ།། དེ་ཚེ་སེམས་ཅན་ཐམས་ཅད་ནི།། ཤིན་ཏུ་སྟོང་པ་ཉིད་ལ་བརྩོན།། འགོག་པའི་ཆོས་ཉིད་ལ
100b5 སྦྱོར་བས།། འགགས་ཤིང་ཡོངས་སུ་མྱ་ངན་འདས།། རྣལ་འབྱོར་དེ་ཉིད་བཅོམ་ལྡན་འདས།། རྡོ་རྗེ་སེམས་དཔའ་དེ་བཞིན་གཤེགས།། གྲོལ་བ་ཐམས་ཅད་རྣམ་སྦྱང་ཕྱིར།། སངས་རྒྱས་སྤྲུལ་པ་ཀུན་ཏུ་བསྐྱེད།། སྟོང
100b6 པ་མ་ཡིན་མི་སྟོང་མིན།། དབུ་མར་ཡང་ནི་མི་དམིགས་ཏེ།། ཤེས་རབ་རོལ་ཕྱིན་སྦྱོར་བ།། ཐབས་དང་སྙིང་རྗེ་བདག་ཉིད་རྣམས།། དེ་བས་དེ་ནི་སྙིང་རྗེའི་ཐབས།། ཤེས་རབ་ཕ་རོལ་ཕྱིན་པར་གསལ།། རྟོག་པ་མེད
iiif viewer powered by OpenSeadragon
