| e-texts navigator |
| Wylie |
100a1 རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། ཡང་དག་གྲུབ་པ་གཅིག་པུ་ཉིད།། ཇི་ལྟར་འདོད་པ་བཞིན་དུ་སྦྱར།། རྟོག་པའི་ཆོ་ག་ཐམས་ཅད་ལ།། གྲུབ་པ་དམ་པ་མཆོག་གི
100a2 མཆོག། སྣ་ཚོགས་ལས་ཀྱི་སྦྱོར་བ་ཡིས།། ཆོ་ག་སྣ་ཚོགས་འདོད་པ་ཡི།། སེམས་ཅན་རྣམས་ནི་འདུལ་བ་དང་།། བདེ་བ་ཐམས་ཅད་འགྲུབ་པའི་ཕྱིར།། བཅོམ་ལྡན་རྣལ་འབྱོར་དེ་ཉིད་ནི།། སངས་རྒྱས་ཐམས་ཅད
100a3 རྣམ་འཕྲུལ་བས།། སེམས་ཅན་ཀུན་དོན་རྣམ་འཕྲུལ་ན།། མྱུར་དུ་ཤིན་ཏུ་འགྲུབ་པར་འགྱུར།། ཉིན་རེའམ་ཡང་ན་ཟླ་རེའམ།། ཡང་ན་དེ་བཞིན་ལོ་རེ་ནི།། ཅི་བཞིན་བྱིན་གྱིས་བརླབས་ནས་ཀྱང་།། སངས་རྒྱས་བདེ
100a4 མཆོག་གར་བྱའོ།། ཁམས་ཀྱི་ངོ་བོ་ཐམས་ཅད་དང་།། དེ་བཞིན་སྲོག་དང་རྩོལ་ལས་འབྱུང་།། རང་གི་ལྷ་ཡི་ཆ་ལུགས་སུ།། བསྒྲུབ་པའི་ཕྱག་རྒྱ་རབ་ཏུ་བྱ།། དཀྱིལ་འཁོར་གང་དང་གང་བསྟེན་པ།། སྣ་ཚོགས་ཕྱག
100a5 རྒྱའི་མཆོད་པ་ཡིས།། སློབ་མའི་ཚོགས་ཀུན་དེ་དང་དེར།། མཆོད་པ་བྱས་ནས་དེས་བསྒྲུབ་བོ།། དེ་ལས་གཞན་ཡང་རྟོག་ཀུན་གྱི།། སངས་རྒྱས་ཐམས་ཅད་རྣམ་སྤྲུལ་པ།། ཅི་རིགས་པར་ནི་སྤྲུལ་བྱས་པའི།། གདམས
100a6 ངག་རབ་ཏུ་བཤད་པར་བྱ།། སེམས་དཔའ་སངས་རྒྱས་ཀུན་གྱི་དངོས།། རྡོ་རྗེ་སེམས་དཔའ་བདེ་བའི་མཆོག། གསང་བ་མཆོག་གིས་དགྱེས་པ་ན།། ཐམས་ཅད་བདག་ཉིད་རྟག་ཏུ་བཞུགས།། འདི་ནི་རྣལ་འབྱོར
iiif viewer powered by OpenSeadragon
