| e-texts navigator |
| Wylie |
9b1 སྟེ།། དཀར་དང་སེར་དང་དམར་ནག་དང་།། སེར་ནག་མཐིང་སྔོ་དུད་ཁ་དག། རིམ་པ་བཞིན་དུ་ཤེས་པར་བྱ།། རྡོ་རྗེ་རྒྱ་གྲམ་ལྡང་ནག་གིས།། མ་ལུས་གནོན་པ་བདུད་རྩི་འཁྱིལ།། དཀྱིལ་འཁོར་འཁོར་ལོ་ཡི་གེ
9b2 ཡིས།། མ་དག་པ་དག་དག་བྱེད་ཅིང་།། མ་མཐོང་བ་དག་མཐོང་བྱས་ནས།། དེ་ཉིད་རྣམ་པར་གྲོལ་བར་འགྱུར།། དེ་ནས་གཞན་ཡང་བཤད་བྱ་ནི།། རང་སྣང་གསུང་གི་འཁོར་ལོ་ལས།། རིམ་བཞིན་རང་གི་གཞིར
9b3 སྣང་བ།། དཔག་མེད་ཡོན་ཏན་ལྷུན་རྫོགས་པས།། རང་བྱུང་འཁོར་ལོ་མངོན་པར་བརྗོད།། རང་བྱུང་འཁོར་ལོ་རྒྱུ་ཡི་བདག། ཀ་སོགས་སུམ་ཅུ་རྩ་གཉིས་ནི།། མ་ལུས་ཀུན་གྱི་དངོས་གཞི་སྟེ།། སྐུ་ཡི་འཁོར་ལོར་རང
9b4 སྣང་བའོ།། སྒྲ་དབྱངས་གསུང་གི་འཁོར་ལོ་ནི།། བརྗོད་པའི་སྒྲ་ནི་སྣ་ཚོགས་པའི།། མ་ལུས་པར་ནི་རང་སྣང་བས།། གསུང་གི་ཕྱག་རྒྱ་བཞིར་ངེས་པའོ།། རིག་པ་ཐུགས་ཀྱི་འཁོར་ལོ་ནི།། ཟག་མེད་ཡེ་ཤེས་དྲུག་ལྡན
9b5 ཞིང་།། སྡེ་ཚན་བརྒྱད་ཀྱིས་བརྒྱན་པ་ནི།། སྙིང་པོ་དངས་མ་ལྔར་སྣང་བ།། ཡོན་ཏན་སྤྲུལ་པའི་འབྱུང་བཞི་ཉིད།། བྱེ་བྲག་བརྒྱད་ཅུ་ཀུན་འདུས་པའི།། འགྲོ་འདུ་ཐིག་ལེ་ཀུན་གྱི་དངོས།། སྤྲུལ་པའི་ཐིག་ལེ་རང་འཆར
9b6 བ།། སྣང་བའི་མཛད་པ་བསམ་མི་ཁྱབ།། གང་དུ་ཐབས་ལས་བྱུང་བ་ཡི།། དངས་མའི་རོ་ལྔ་མྱོང་འགྱུར་བས།། རྟེན་བཅས་ངོ་བོ་དག་གྱུར་ནས།། མཛད་པའི་བྱིན་རླབས་བསམ་མི་ཁྱབ།། ཤེས་རབ་ཐབས་རོལ་སྒྱུ་མ
iiif viewer powered by OpenSeadragon
