| e-texts navigator |
| Wylie |
8a1 ཆེ།། ཁམས་གསུམ་འདུས་པའི་ཐིག་ལེ་ཉིད།། འདྲེས་པས་ལྷུན་གྲུབ་ཡེ་ཤེས་ཉིད།། དཀྱིལ་འཁོར་གསལ་སྣང་བརྟག་པར་དཀའ།། མ་ལུས་ཐིག་ལེ་རང་སྣང་བའི།། མ་བཅོས་རང་སྣང་ཐབས་རྟོགས
8a2 ནས།། མངོན་པར་ལྟ་བའི་དོན་རྟོགས་ན།། རང་འབྱུང་འབྲས་བུ་རང་ལས་འཆར།། ཕྱོགས་དུས་རྒྱལ་བའི་ངོ་བོ་ཉིད།། མི་ཟད་འཁོར་ལོ་རང་སྣང་དོན།། མ་མཐོང་རྨོངས་པའི་འཁྲུལ་པ་རྣམས།། བྱིན་རླབས་ལྷ་དང
8a3 ཡོན་ཏན་ལྟར།། སྣང་འདོད་རེས་འཇོག་སེམས་འདོད་སོགས།། གཞན་ལས་འཕགས་འདོད་ནོར་བའི་ལམ།། མདོངས་པས་ནམ་མཁར་བསྙེག་པ་བཞིན།། ནོར་བས་མ་ནོར་རྙེད་མི་འགྱུར།། མ་བཅོས་འབྲས་བུ་རང
8a4 སྣང་དོན།། བྱིན་རླབས་དགོངས་རྟོགས་གོམས་པ་ཡིས།། མ་བཙལ་ཐབས་ཀྱིས་རང་འཆར་བ།། བྱིན་རླབས་གདུལ་བྱའི་སྣང་བར་ཟད།། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། ཆོས་ཐམས
8a5 ཅད་གཏན་ལ་ཕབ་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་དགྱེས་ཆེན་པོས།། སངས་རྒྱས་ཀུན་འདུས་དག་པ་སྟེ།། གཅིག་དང་དུ་མ་ལས་འདས་པས།། འཇིག་རྟེན་འདས་དང་འཇིག་རྟེན
8a6 པ།། མངོན་ཕྱུང་ནས་ནི་གསུང་བར་མཛད།། ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ། ཀྵ། ཨི་ཨཱི། ཨུ་ཨུ། ཨེ་ཨཱི་ཨོ་ཨཽ། ཨ་ཀ་ཙ་ཊ་ཏ་པ་ཡ་ཤ་ཨི
iiif viewer powered by OpenSeadragon
