| e-texts navigator |
| Wylie |
7b1 ལུས།། དབང་པོ་ཡུལ་སེམས་གཉིས་མེད་པའི།། ཤེས་རབ་ཐབས་རོལ་སྒྱུ་མ་ལས།། མན་ངག་ཐབས་ཀྱིས་དབང་བསྒྱུར་ནས།། རང་བཞིན་སྒྱུ་འཕྲུལ་ཆེན་པོ་འཆར།། ཐབས་དང་ཐབས་བྱུང་འབྲེལ་པ་ཉིད།། ཐམས
7b2 ཅད་ཀུན་གྱི་གཞིར་གནས་པ།། རང་ལུས་ཐབས་ཀྱི་ངོ་བོ་ལ།། རང་གི་རྐྱེན་རྣམས་མངོན་གྱུར་པས།། ཚེགས་མེད་རང་ལོག་གྱུར་པ་ཡིས།། བདེན་པ་དབྱེར་མེད་མངོན་དུ་མཐོང་།། རང་བཞིན་ཡེ་ཤེས་མཐའ་བྲལ
7b3 བས།། ཐབས་དང་ལས་རྐྱེན་སྐྱེས་བུ་ཡིས།། སྤྱོད་ཡུལ་ཀུན་དུ་བླང་བྱ་བ།། འཁོར་དང་མྱ་ངན་འདས་པའི་རྒྱུ།། ཆགས་པའི་དམ་ཚིག་བླང་བར་བྱ།། ཀུན་ཀྱང་ཐབས་དང་ཤེས་རབ་ཉིད།། ཕན་ཚུན་དགྱེས
7b4 པའི་ཐབས་ལས་ནི།། སེམས་མཐའ་འོང་བས་གོ་ཕྱེ་ནས།། རང་སྣང་ཐབས་ཀྱིས་གནས་སྦྱར་བས།། ཟུང་འཇུག་ཐབས་ཆེན་དེ་ལས་བྱུང་།། གཉིས་མེད་ཡེ་ཤེས་རྡོ་རྗེ་ཆེ།། རྒྱུ་རྐྱེན་གཞན་ལས་བྱུང་བ་མིན།། རང
7b5 བྱུང་ཐབས་ཀྱི་ངོ་བོ་ཉིད།། ལུས་དང་རྩ་དང་ལོངས་སྤྱོད་བཅས།། ཐམས་ཅད་བདེ་ཆེན་འཇིག་རྟེན་དུ།། གསལ་བྱེད་ཐབས་ཀྱི་སྣང་བ་ལས།། རྐྱེན་གྱིས་ཟློག་པ་མཐོང་བ་བཞིན།། གཞན་ལས་བྱུང་ཞིང་སྣང་བ
7b6 མེད།། ཕྱོགས་དུས་དཀྱིལ་འཁོར་ངོ་བོ་ཉིད།། བདེ་བ་ཆེན་པོ་མ་སྐྱེས་པའི།། སེང་གེ་ལྟ་བུའི་བྱིན་བརླབས་པའི།། གསུང་གིས་གཉིས་མེད་གསལ་བར་འགྱུར།། གསུང་གསང་ཡང་། གསུམ་བཞིས་སྒྲིབ་ཡེ་ཤེས
iiif viewer powered by OpenSeadragon
