| e-texts navigator |
| Wylie |
6b1 བཤད།། ལུང་དང་མན་ངག་ཆོ་ག་ཡིས།། རྟོགས་ནས་སྐྱེ་བ་འདི་ཡིས་འགྲུབ།། རྣམ་སྨིན་བཅས་པས་འགྲུབ་ངེས་ན།། རང་དབང་ལུས་ཀྱི་སྨོས་ཅི་དགོས།། རྒྱལ་བས་མ་ལུས་ཀུན་གཟིགས་ཤིང་།། ཐུགས་རྗེས་ཐེ
6b2 ཚོམ་མི་བསླུ་བས།། ངེས་པར་བསྟན་པ་འགྲུབ་པ་ནི།། དགོངས་པ་རྟོགས་ན་ངེས་པར་འགྲུབ།། རང་རང་བློ་དང་མོས་པ་ཡིས།། ཇི་ལྟར་འདུ་ཞིང་ཐབས་མཁས་པ།། ཚེ་དང་བསྐལ་པའི་དྲངས་བྲལ་ཞིང་།། ལོ་དང་ཟླ
6b3 བར་བརྩམས་པས་འགྲུབ།། ཤེས་རབ་རྐྱེན་དང་ཐབས་ལྡན་པས།། མ་ལུས་དབྱེར་མེད་རྟོགས་གོམས་ན།། རང་ལ་རང་སྣང་གོམས་པ་ཡིས།། རང་བྱུང་རང་ལས་མངོན་དུ་སྣང་།། གང་དུ་བལྟ་དང་དཔྱད་བྲལ
6b4 བ།། མ་བཅོས་རང་རིག་བྱང་ཆུབ་སེམས།། བྱིས་པ་རྟོག་གེའི་སྤྱོད་ཡུལ་མིན།། དམ་པ་རྣམས་ཀྱིས་ངེས་པར་མཐོང་།། ཆོས་རྣམས་རང་བཞིན་རྐྱེན་བྲལ་བའི།། མི་རྟོག་འོད་གསལ་དབྱེར་མེད་པའི།། ཀུན་གྱི་ངོ་བོ་དེ
6b5 བཞིན་ཉིད།། ད་ལྟ་ཉིད་དུ་སྣང་བའོ།། དོན་དམ་བརྟེན་པ་ལ་བརྟེན་ནས།། རྒྱུ་བའི་ཕྱག་རྒྱ་རང་སྣང་བ།། གོམས་ནས་བསྡུས་པའི་ཐིག་ལེ་ཉིད།། མ་བཅོས་རང་བཞིན་མྱ་ངན་འདས།། ཕྱི་ནང་ཡུལ་སེམས་འདྲེས
6b6 པའི་རླུང་།། རྒྱུ་བ་རིག་པའི་ཐིག་ལེ་ཉིད།། རང་བྱུང་སྟོང་པར་གནས་འགྱུར་ཏེ།། ཕྱི་ནང་རེ་དོགས་རྒྱུ་བ་མེད།། མ་བཅོས་དེ་བཞིན་ཉིད་དུ་མཐོང་།། ཐབས་དང་ཤེས་རབ་རྟོགས་པ་ཡི།། ཉི་ཟླ་འདྲེས་པའི་གར་ཐབས
iiif viewer powered by OpenSeadragon
