| e-texts navigator |
| Wylie |
6a1 ཀྱིས།། མ་རིག་གཟུང་འཛིན་ངོ་བོར་སྨིན།། རྟེན་འབྲེལ་གཉིས་ཀྱི་ཚུལ་གྱུར་པས།། མྱོང་དང་སྤྱོད་ཡུལ་སོ་སོར་གྱུར།། ནམ་མཁའ་རང་བཞིན་དབྱེར་མེད་ལྟར།། མ་ལུས་དེ་བཞིན་ཉིད་འདི་ལ།། རྟོག
6a2 པའི་དབང་གི་ཕྱེ་བ་ལ།། བདག་དང་གཞན་ཡང་ཡོད་མ་ཡིན།། གང་དུ་དམན་པའི་རྟོག་གེ་པས།། མི་ཤེས་རྟོག་པ་སྣ་ཚོགས་ཀྱིས།། རང་ལས་གཞན་དུ་ཐོབ་འདོད་པའི།། ཐབས་དེས་བསྐལ་པ་བྱེ་བར
6a3 ཡང་།། སངས་རྒྱས་ཡེ་ཤེས་དྲི་མེད་པ།། རྨི་ལམ་ཉིད་དུ་མི་འབྱུང་བ།། སློབ་དཔོན་མན་ངག་ཐབས་ཉིད་ཀྱིས།། སྒྲིབ་པའི་རང་བཞིན་སྣང་བར་འགྱུར།། ཀུན་མཁྱེན་དབང་དང་མན་ངག་ཅན།། བྱིན་རླབས་ཐབས
6a4 ཀྱིས་ཕན་འདོགས་པ།། འགྲོ་ལ་ཡིད་བཞིན་ནོར་བུ་ལྟར།། སྣ་ཚོགས་བསམ་པ་རང་མཛད་པ།། དམན་པའི་སྦྱོར་བ་ལ་བརྟེན་ནས།། སངས་རྒྱས་འཁོར་ལོ་འཆར་བྱེད་པ།། ལུས་དང་ལོངས་སྤྱོད་སྣ་ཚོགས
6a5 པས།། བསྐལ་པ་རྡུལ་གྱི་གྲངས་མཉམ་པར།། བཀུར་ཀྱང་དྲིན་དང་བྲལ་གྱུར་ན།། ལན་འགའ་ཙམ་གྱིས་ག་ལ་ཡིན།། དད་དང་དམ་ཚིག་ལྡན་པ་ཡི།། རང་རང་སྦྱངས་ལྟར་མངོན་གྱུར་ནས།། དམན་པའི་བལྟ་བ
6a6 སྤང་བྱེད་ཅིང་།། བརྟུལ་ཞུགས་རིགས་ངེས་གང་ཟག་ལ།། ཇི་སྙེད་ནམ་མཁའི་མཐའི་ཡུན་དུ།། བརྩོན་ཞིང་བཙལ་བས་མི་རྙེད་དེ།། གདུང་བ་གསུམ་གྱིས་གདུངས་པ་དེ།། མཐོང་བའི་ཐབས་ནི་གསུམ་དུ
iiif viewer powered by OpenSeadragon
