| e-texts navigator |
| Wylie |
5b1 བཞིན་ཉིད་ནི་སྤྲོས་མེད་ཀྱང་།། ཐུགས་རྗེ་བྱིན་རླབས་རྒྱ་མཚོ་ཡིས།། མེད་ལས་ཡོད་པའི་ཚུལ་གྱུར་པ།། དེ་ཉིད་དེ་བཞིན་གཤེགས་ཉིད་དེ།། འདུལ་བའི་དབང་གིས་ཕྱོགས་བཅུ་ཡི།། འཇིག་རྟེན་དྲུག་གི་རྡུལ་རྙེད
5b2 དུ།། སྤྲུལ་པ་ཐུབ་པ་ཆེན་པོ་ཡི།། གང་དག་ཏུ་ནི་རྣམ་མཛེས་ཏེ།། སྐུ་དང་གསུང་ཐུགས་བསམ་མི་ཁྱབ།། འདུལ་བ་བཞི་ཡི་ཁྱད་པར་གྱིས།། རང་རང་ལས་དང་བསམ་པ་དང་།། དབང་པོ་མོས་པའི་ཁྱད་པར
5b3 གྱིས།། གདུལ་བྱའི་བསམ་པ་སྣ་ཚོགས་སུ།། སྒྱུ་འཕྲུལ་དྲ་བ་སྣང་མཛད་དེ།། རྒྱུད་དང་ཐབས་ཀྱིས་གྲོལ་བ་ཡིས།། འགྲོ་བ་མ་ལུས་བདེ་བ་དང་།། རིགས་དང་ལྡན་པར་ཐར་པ་ཡི།། འབྲས་བུ་དོན་ལ་འཁོད་པར
5b4 མཛད།། མཐའ་ཟུག་མེད་པའི་འཇིག་རྟེན་དུ།། རྒྱལ་བ་དུས་གསུམ་མཉམ་བཞུགས་པས།། དེ་ལས་བྱུང་བའི་སྤྲུལ་པའི་ཚོགས།། རྒྱལ་བ་ཀུན་ཀྱང་དེ་བཞིན་ནོ།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་དྲ་བ་རྒྱ
5b5 མཚོའི་རྒྱུད་ལས།། སེམས་ལྔ་བསྟན་པའི་ལེའུ་སྟེ་གཉིས་པའོ།། །། དེ་ནས་ཀུན་མཁྱེན་དགྱེས་ཆེན་པོས།། འཁོར་གྱི་དཀྱིལ་འཁོར་ཀུན་གཟིགས་ནས།། ལྷན་ཅིག་གོ་ཕྱེའི་འཁོར་རྣམས་ལ།། བྱིན་རླབས་དམ
5b6 ག་དབང་ཐོབ་ནས།། དབང་དངོས་རང་བཞིན་བསྟན་པར་མཛད།། མ་ལུས་ཆོས་ཀུན་རང་བཞིན་ནི།། བྱང་ཆུབ་སྙིང་པོའི་རང་བཞིན་ལ།། དབྱེར་མེད་དོན་དུ་ཀུན་གནས་ཀྱང་།། ལྷན་ཅིག་ལ་བརྟེན་ཀུན་བརྟགས
iiif viewer powered by OpenSeadragon
