| e-texts navigator |
| Wylie |
4b1 རྫོགས་ཡུལ།། གཞི་དང་སྐབས་ནས་སྐྱེ་འགྱུར་བ།། གྲོལ་ཐར་ལམ་དུ་རྣམ་པར་བཤད།། དེའང་ཅིག་ཅར་རིགས་འཇུག་པ།། སྣོད་ཀྱི་རིམ་པས་རྣམ་པར་སྣང་།། གང་ཡང་སེམས་ལྔ་བསྡུས་པས་ཏེ།། གཡོ་ལྡང་སྨོན
4b2 འཇུག་མཐར་ཕྱིན་པས།། ལམ་བཞི་ཁྱད་པར་སོ་སོར་ཕྱེད།། རང་བཞིན་གཅིག་ལས་མངོན་གྱུར་པའི།། ཐབས་རྐྱེན་མོས་པས་ཚུལ་བཞིན་དུ།། ལམ་བཞི་སེམས་ལྔས་མཐར་ཕྱིན་པ།། མོས་དང་མཐར་ཕྱིན་ཚུལ
4b3 གྱིས་སྣང་།། དངོས་པོར་རང་བཞིན་རྟོགས་པ་ནི།། བསྙེན་བསྒྲུབ་བཞི་དང་སྒོ་བཞི་དང་།། དག་མཉམ་རྟོགས་པ་བཞི་དག་གིས།། དུས་གཅིག་རྫོགས་ཤིང་སྨིན་པར་བྱེད།། རྣལ་འབྱོར་ལྔ་ལ་རིམ་གོམས
4b4 པས།། མཐར་ཕྱིན་ལམ་ལ་ཐེ་ཚོམ་མེད།། སྟོང་པ་ཉིད་ལ་གང་གོམས་པས།། སྙིང་རྗེ་སྒྱུ་མའི་ཚུལ་དུ་བསྒོམ།། ཕྱག་རྒྱའི་རྣལ་འབྱོར་མངོན་གསལ་ནས།། རྣམ་པར་སྤྲོས་ལ་ཐེ་ཚོམ་མེད།། རང་རང་སྤྱོད་དང་ལྡན་གྱུར
4b5 ནས།། བདག་གཞན་མཐར་ཕྱིན་འགྱུར་བའི་ལམ།། གང་དུ་ཆགས་པའི་ཁྱད་པར་གྱིས།། རྟེན་འབྲེལ་ལུས་ཀྱི་བསྒོམ་པ་ནི།། བྱེ་བྲག་རླུང་ལས་གྱུར་པ་ཡི།། ཡེ་ཤེས་འབྱུང་བ་སྟེང་འོག་སྒོ།། དགུག་དང་དགུག
4b6 པའི་ཐབས་ཉིད་དེ།། འཁོར་ལོ་བཞི་དང་སྲོག་ཤིང་གསུམ།། མེ་རླུང་འགྲོ་བས་ནམ་མཁའི་བ།། བཞོ་བ་སྟེང་དུ་རྣམ་པར་གྲགས།། དགུག་པ་གསུམ་གྱིས་སེམས་ལྔའི་རིམ།། སྐྱེས་པ་བཅུ་དྲུག་ས་ཐོབ་པའི།། རང
iiif viewer powered by OpenSeadragon
