| e-texts navigator |
| Wylie |
49a1 དང་། གུས་པ་ཆེན་པོ་སྣ་ཚོགས་པའི་དྲི་དང་། གུས་པ་ཆེན་པོ་དབང་སྒྱུར་བ་ནི་གསང་བའི་དབང་པོ་ཞེས་བྱ་བ་དང་། གསལ་བ་འཛིན་བྱེད་མ་དང་། རྣམ་པར་དྲི་ཡི་གནས་སུ་གྱུར་པ་དང་། རྣམ་པར་སྒྲ
49a2 བྱེད་པའི་གཟུགས་འཛིན་པའོ།། དེ་ཉིད་མཐོང་བར་བྱེད་པའི་དབང་པོ་དང་། ཉན་པར་བྱེད་པའི་དབང་པོ་དང་། བསུང་བྱེད་ཆེན་པོའི་དབང་པོ་དང་། བཏར་བ་ཆེན་པོའི་དབང་པོ་དང་། ཤིན་ཏུ་གཏོང་བར་མཛད་པ
49a3 དང་། ཤིན་ཏུ་རྟོག་པར་མཛད་པ་དང་། ཤིན་ཏུ་འཛིན་དབང་ཆེན་པོ་དང་། ཤིན་ཏུ་གྲུབ་པར་མཛད་པ་དང་། ཆ་ལུགས་མི་གཏོང་བའི་བཙུན་མོ་དང་བཅས་པའོ།། ཡོད་པ་རྣམ་པར་རྟོག་པར་མཛད་པ་དང་། མེད་པ
49a4 སེལ་བར་མཛད་པ་དང་། རྣམ་པར་འདུ་ཤེས་རྒྱལ་བ་ཡིན་པར་མཛད་པ་དང་། ཤིན་ཏུ་འགོག་པ་རྣམ་པར་འཇོམས་པ་ཆེན་མོ་དང་། མངོན་སྤྱོད་ཀྱི་ལས་ཀྱིས་གཉིས་སུ་མེད་པར་འཁྲིལ་ནས་ཆོས་ཀྱི་དབྱིངས་མཉམ
49a5 པ་ཆེན་པོའི་གཞལ་ཡས་ན་བཞུགས་སོ།། དེ་ནས་བཅོམ་ལྡན་འདས་གསང་བ་ཆེན་མོའི་རྣལ་འབྱོར་མའི་གཞལ་ཡས་སུ་དགྱེས་ནས་མ་སྐྱེས་པའི་དབྱིངས་ཤེས་རབ་ཀྱི་ཚོགས་ཆེན་མོ་མུ་ཁྱུད་ཀུན་དང་ལྡན་པ། ཟླ
49a6 རྒྱས་ལྟ་བུའི་དཀྱིལ་འཁོར་མཐའ་དབུས་མེད་པར་ཁྱབ་པ། རིན་པོ་ཆེ་ཀུན་དང་ལྡན་པ། གྲཝ་དང་ངོས་དང་ཁ་དོག་དང་དབྱིབས་རྒྱ་ཁྱོན་དཔག་ཏུ་མེད་པར་གྱུར་པ། ཡེ་ཤེས་བསམ་གྱིས་མི་ཁྱབ་པ་ཆ་ལུགས་ཀྱིས་རྣམ
iiif viewer powered by OpenSeadragon
