| e-texts navigator |
| Wylie |
48b1 མི་འགོག་སྒྲིབ་ཏུ་མེད་པའི་དབྱིངས་ནས་ཡང་དག་པའི་གཞལ་ཡས་ཆེན་པོ་ན་མཉམ་པ་ཆེན་པོའི་ཚུལ་རྡོ་རྗེས་སྐུ་མ་བཀག་པས་མཛད་པ་བསམ་གྱིས་མི་ཁྱབ་པས་བཞུགས་སོ།། དེ་ཡང་འདི་ལྟར་སོ་སོར་གསལ་བར
48b2 མཉམ་པ་ཆེན་པོ་དང་འཁོར་དང་བཅས་པ་མཉམ་པ་ཆེན་པོས་ཡོ་བྱད་ཆེན་པོ་ནི་ཀུན་གྱི་གདུང་འཛིན་པའི་རང་བཞིན་དུ་གནས་པ་ནི་བརྟེན་པས་ཕྱིན་ཅི་མ་ལོག་པ་དང་གཉིས་སུ་དུ་མ་མེད་པ་ནི་གཟུངས་རྣལ་འབྱོར
48b3 མ་ཆེན་མོ་སྟེ། བྱང་ཆུབ་ཆེན་མོ་ནམ་མཁའ་ཞེས་བྱ་བ་དང་། བྱང་ཆུབ་ཆེན་མོ་ནམ་མཁའ་འཛིན་མ་ཞེས་བྱ་བ་དང་། བྱང་ཆུབ་ཆེན་མོ་ས་སྲུང་མ་ཞེས་བྱ་བ་དང་། བྱང་ཆུབ་ཆེན་མོ་རླན་པར་བྱེད་པ་ཆེན་མོ་དང་། བྱང
48b4 ཆུབ་ཆེན་མོ་རྣམ་པར་ཁེངས་པ་སྤང་བ་ཞེས་བྱ་བ་དང་། བྱང་ཆུབ་ཆེན་མོ་ལས་གྲུབ་པར་མཛད་མ་ཞེས་བྱ་བ་དང་། བྱང་ཆུབ་ཆེན་མོ་རྡོ་རྗེ་རབ་ཏུ་ཆགས་པ་ཆེན་པོ་འཛིན་ཞེས་བྱ་བ་དང་། རབ་ཏུ་མ་ཆགས་པ་གསོད
48b5 ཅེས་བྱ་བ་དང་། བྱང་ཆུབ་ཆེན་མོ་རབ་ཏུ་རྨོངས་སེལ་ཞེས་བྱ་བ་དང་། བྱང་ཆུབ་ཆེན་མོ་གསུང་གི་འཁོར་ལོ་མ་ཞེས་བྱ་བ་སྟེ། དེ་དག་ཀྱང་འདི་ལྟ་སྟེ། ཤིན་ཏུ་ཨུཏྤལ་ལྟ་བུའི་མདོག་དང་། ཤག་ཀྲ་དང་། བཻ་ཌཱུ་རྱ་དང་།
48b6 པདྨ་རཱ་ག་དང་། ཨསྨ་གར་བ་ལ་སོགས་པ་རྫས་ཀྱིས་སྔགས་པས་འཕགས་པར་འཚེར་བ་མ་སྨིན་པ་མེད་པར་བཞུགས་པ་ནི་རྣལ་འབྱོར་མ་ཀུན་ཏུ་བཟང་པོ་འཁོར་དང་བཅས་པའོ།། དེ་ཡང་གུས་པ་ཆེན་པོ་གསང་བ
iiif viewer powered by OpenSeadragon
