| e-texts navigator |
| Wylie |
47b1 བཞིན་གཤེགས་པའི་ངོ་བོ་ཉིད།། ཀུན་ཀྱང་གསང་བའི་སྙིང་པོ་ཉིད།། ཐབས་བྲལ་ཞེན་པ་གཉིས་ཀྱིས་བཅིངས།། བདག་འཛིན་ཞེན་པས་དོན་ལ་བསྒྲིབས།། མ་ལུས་སྒྲོ་བྲལ་ངོ་བོ་ལ།། བཏགས་པའི་ཞེན་པས
47b2 འཁོར་བར་འཁྱམས།། ཇི་སྙེད་ཐེག་པ་གང་བཤད་པ།། ཐབས་ཆེན་ཐེག་པར་བརྒྱུད་པའི་ལམ།། ཐེག་པ་བསམ་ཡས་བསྟན་པ་ཡང་།། གདུལ་བྱའི་དོན་ལ་བསམ་སྦྱར་ནས།། དོན་དུ་མི་འགྱུར་གཅིག་མ
47b3 གསུངས།། རྡོ་རྗེའི་གསུང་ལ་སྤྲོས་མེད་ཀྱང་།། ཐུགས་རྗེ་ཐབས་མཁས་བྱིན་རླབས་ཀྱིས།། ཇི་ལྟར་མོས་པ་སོ་སོར་སྣང་།། ཆོས་ཀྱི་ཕུང་པོ་བསམ་མི་ཁྱབ།། མ་ལུས་འདུས་པའི་སྙིང་པོ་འདི།། སངས་རྒྱས་ཀུན་གྱི
47b4 གསང་བ་སྟེ།། ཀུན་འབྱུང་སྒྱུ་འཕྲུལ་རྒྱ་མཚོའི་རྒྱུད།། དབང་བསྐུར་བྱིན་བརླབས་གསང་བའི་མཛོད།། ཐོག་མར་མཐའ་མ་བར་མེད་དགེ། སྒོ་སྐུར་མེད་པ་ཐབས་ཀྱི་ལམ།། རྟོགས་དང་འཛིན་པ་གང་བྱེད་པ།། དུས
47b5 གསུམ་རྒྱལ་བ་ཀུན་གྱི་སྲས།། དམ་ཚིག་དབང་དང་ལྡན་པ་དང་།། ལས་དང་སྨོན་ལམ་དབང་གིས་ནི།། སྣོད་དང་བཅུད་དུ་འབྲེལ་པ་ཡིས།། གསང་མཛོད་འཛིན་ཅིང་འཆང་བ་དང་།། ཐབས་མཁས་སྙིང་རྗེ་གཏོང
47b6 ཕོད་ཅན།། སྡུག་བསྔལ་གཉེར་ཞིང་ཕོངས་པ་མེད།། ལུས་དང་ལོངས་སྤྱོད་མ་ཆགས་པ།། དམ་པ་འདི་ལ་གསང་བ་གཏད།། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། གསང་བ་གཏད་པའི་ལེའུ
iiif viewer powered by OpenSeadragon
