| e-texts navigator |
| Wylie |
46b1 གནས།། ཐབས་ཆེན་གསང་བའི་ཐེག་པ་འདི།། ལས་དང་སྐལ་ལྡན་སྤྱོད་ཡུལ་ཏེ།། དམན་དང་རིགས་ཆད་ལ་སོགས་ལ།། ཁྱབ་པར་གནས་ཀྱང་སྤྱོད་ཡུལ་མིན།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི
46b2 རྒྱུད་ལས། ལས་ལྷུན་གྱིས་གྲུབ་པའི་ལེའུ་སྟེ་ཉི་ཤུ་པའོ།། །། དེ་ནས་ཀུན་མཁྱེན་སྲས་ཆེན་པོ།། མ་ལུས་དགྱེས་པས་ཁྱབ་གྱུར་ནས།། སྐུ་གསུང་ཡོན་ཏན་ཕྲིན་ལས་ཐུགས།། ཆེ་བའི་ཚུལ་གྱིས་གླུ་འདི
46b3 བླངས།། རྒྱལ་བ་ཀུན་གྱི་སྐུ་ཆེ་བ།། འབར་བ་འཇིགས་ཤིང་མཛེས་པ་ཆེ།། བྱིན་རླབས་ལྷུན་གྲུབ་སྐུ་དང་ལྡན།། རྡོ་རྗེ་ལེགས་པ་བརྗིད་པ་ཆེ།། ཧཱུཾ་དང་ཕཊ་དང་ཚངས་པའི་གསུང་།། ཞིང་ཁམས་ཀུན་ཏུ་ཁྱབ་མཛད
46b4 ནས།། གདུལ་བྱ་དགའ་དང་འཇིགས་མཛད་པ།། གསུང་གི་དཀྱིལ་འཁོར་སྒྲ་མཐའ་ཡས།། རང་བྱུང་ཡེ་ཤེས་འོད་གསལ་བ།། མཛེས་དང་ཁྱབ་དང་གསལ་བ་ཡིས།། ཡེ་ཤེས་ལྔ་རུ་གསལ་མཛད་པ།། རྒྱལ་བ་ཀུན
46b5 གྱི་ཐུགས་ཀྱི་མཆོག། མ་བཅོས་རང་བཞིན་གསལ་བ་ལས།། སྣ་ཚོགས་སྐུ་གསུང་ཐུགས་སུ་གསལ།། བདག་གཞན་བྱ་བ་ཀུན་རྫོགས་པ།། ཡོན་ཏན་རིན་ཆེན་ནོར་བུ་འཆང་།། མ་ལུས་ཐབས་ཀྱི་ཆོ་འཕྲུལ་གྱིས།། མ
46b6 རུངས་གདུག་པ་ཀུན་འདུལ་བ།། རང་བྱུང་ཐབས་ཀྱི་ཕྲིན་ལས་ཀྱིས།། བདུད་བཞི་མ་ལུས་འདུལ་བར་མཛད།། སངས་རྒྱས་ཀུན་གྱི་རང་བཞིན་ཁྱོད།། སྒྱུ་འཕྲུལ་དྲ་བ་མངོན་རྫོགས་པའི།། སྐུ་གསུང་ཐུགས་ཀྱི
iiif viewer powered by OpenSeadragon
