| e-texts navigator |
| Wylie |
45b1 གསུམ་དུ།། མཚན་མ་རྫས་དང་ལྡན་པ་ལ།། དང་བ་དང་ལྡན་ཕུར་བཏབ་ནས།། མ་ལུས་སྦྲང་ཕྱིར་མཆོད་སྦྱིན་བྱ།། མ་ཡི་དཀྱིལ་འཁོར་རིམ་གསུམ་དུ།། མཚན་མ་རྫས་དང་ལྡན་པ་ལ།། དགའ་བ་ང་རྒྱལ་ཕུར
45b2 བཏབ་ནས།། ཡོན་ཏན་འཕེལ་ཕྱིར་མཆོད་སྦྱིན་བྱ།། ཡཱ་ཡི་དཀྱིལ་འཁོར་རིམ་གསུམ་དུ།། ངང་གི་མཚན་མ་རྫས་ལྡན་ལ།། ཆགས་པ་དབང་བྱེད་ཕུར་བཏབ་ནས།། མི་མཐུན་འདུ་ཕྱིར་མཆོད་སྦྱིན་བྱ།། ཨེ་ཡི་དཀྱིལ
45b3 འཁོར་རིམ་གསུམ་དུ།། རང་གི་རྫས་དང་ལྡན་པ་ལ།། ཁྲོས་པས་དྲག་པོའི་ཕུར་བཏབ་ནས།། ཐལ་བར་བརླག་ཕྱིར་མཆོད་སྦྱིན་བྱ།། རང་བྱུང་ཕོ་བྲང་སྙིང་པོ་ལ།། ཨེ་སོགས་རང་བཞིན་བཞིར་གནས་པ།། ཐིག
45b4 ལེ་ཐབས་དང་བཅས་པའི་རོས།། བདག་གཞན་ལས་བཞི་ཐོགས་མེད་ཉིད།། བདེ་ཆེན་འབྲས་བུ་རྫོགས་པར་བྱེད།། རྟེན་ཅན་སྙིང་པོའི་ཐིག་ལེ་ལ།། དངས་མ་ལྔ་ཡི་བཅུད་འདུས་པ།། མ་སྐྱེས་ནམ་མཁའི་གཟུགས
45b5 ཅན་ཉིད།། དེ་མ་ཟག་པར་སྣང་བར་བྱེད།། སངས་རྒྱས་བཙུན་མོའི་བྷ་ག་ལ།། གསང་བའི་དཀྱིལ་འཁོར་བཞིར་གནས་ཏེ།། ཐབས་དང་ལས་བཅས་ཕྱག་རྒྱ་བཞིས།། ལྷན་ཅིག་སྐྱེས་པའི་ཡེ་ཤེས་ཉིད།། ཉི་ཟླ་ཟིན
45b6 པའི་སྟོབས་ལས་སྐྱེས།། གསང་བ་ལས་བཞིའི་དཀྱིལ་འཁོར་དུ།། དབྱིངས་ཕྱུག་ཆགས་པའི་མེ་ཉིད་ནི།། ཕྱག་རྒྱ་བཞི་བཅས་བསྟན་བཅོས་བསྐུལ།། རྡོ་རྗེ་པདྨ་དགང་བླུགས་བཅས།། བྱང་ཆུབ་སེམས་ཀྱིས་གང
iiif viewer powered by OpenSeadragon
