| e-texts navigator |
| Wylie |
45a1 བར་དཀའ་བའི་ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན་དེ་བཞིན་གཤེགས།། ཀུན་མཁྱེན་སྤངས་རྫོགས་བདག་ཉིད་ཅན།། གཅིག་དང་དུ་བྲལ་བདག་ཉིད་དེ།། ཕྲིན་ལས་ཚུལ་ནི་ཡང
45a2 དག་བཤད།། རང་བཞིན་ཐབས་དང་ཐུགས་རྗེ་ཉིད།། ཕྲིན་ལས་རྒྱ་ཆེན་གང་བྱུང་བ།། དེ་ཉིད་སྒྱུ་འཕྲུལ་རྒྱ་མཚོ་ནི།། སངས་རྒྱས་ཀུན་གྱི་ངོ་བོར་འདོད།། ཨེ་མ་ཧོ་ངོ་མཚར་རྨད་ཀྱི་ཆོས།། རང་བྱུང་ཡེ་ཤེས་དཀྱིལ
45a3 འཁོར་དུ།། སྣང་སྲིད་རང་བཞིན་མ་བཅོས་པ།། བདེ་བ་ཆེན་པོའི་ངོ་བོར་ཞི།། མ་བསགས་ལྷུན་རྫོགས་དཀྱིལ་འཁོར་དུ།། ཆེ་བའི་ཡོན་ཏན་རང་སྣང་བ།། འཕེལ་འགྲིབ་མེད་པར་གང་གསལ་བ།། བསམ་གྱིས་མི
45a4 ཁྱབ་མཐའ་ཡས་མཆོག། མ་ཆགས་དག་པའི་དཀྱིལ་འཁོར་དུ།། སྤྱོད་ཡུལ་བག་ཆགས་མ་ལུས་པ།། གསུང་མཆོག་མ་སྐྱེས་བྱིན་རླབས་ཀྱིས།། རིག་པ་མ་བཅོས་ངང་དུ་འདུས།། རང་རིག་ཡེ་ཤེས་རྒྱལ་པོ་ཡིས།། སྐྱེ
45a5 མེད་རང་བཞིན་ངང་ཉིད་དུ།། མཚན་མ་བག་ཆགས་བཅོམ་ནས་ནི།། སྟོང་པ་ཆེན་པོའི་ངང་དུ་གནས།། རང་སྙིང་དྷརྨ་ཙཀྲ་ལ།། ཡེ་ཤེས་བཞི་སོགས་གནས་པའི་མཐུས།། རང་བཞིན་ནུས་མཐུ་བཞིར་སྣང་བ།། དེ
45a6 དག་མ་བཅོས་ཤེས་པར་བྱ།། མ་བཅོས་ཤེས་པ་ལ་གནས་ནས།། མཚན་མའི་སྟོབས་ཐོབ་གྱུར་པ་ན།། རང་རང་འཐད་པའི་ས་ཕྱོགས་སུ།། ལས་རྣམས་བརྩམས་ནས་གྲུབ་པར་འགྱུར།། ཝཾ་གྱི་དཀྱིལ་འཁོར་རིམ
iiif viewer powered by OpenSeadragon
