| e-texts navigator |
| Wylie |
44b1 སྦྱོར་བས་གོམས་པ་ཡིས།། ཐམས་ཅད་བདེ་བ་ཆེན་པོར་མཉམ།། ཐུན་མོང་ཐུན་མོང་མ་ཡིན་པའི།། འདའ་དཀའ་དམ་ཚིག་རང་བཞིན་ཏེ།། རྩ་བ་ཡན་ལག་བཅས་པ་ལས།། འདས་པ་གང་ཡིན་དམྱལ་བར
44b2 འགྲོ།། དབྱེར་མེད་མཉམ་པའི་རང་བཞིན་ལ།། མན་ངག་ཐབས་ཀྱིས་མཉམ་སྦྱར་ན།། མ་ལུས་བདེ་བ་ཕུན་སུམ་ཚོགས།། བདག་ལས་འབྱུང་གི་གཞན་ལས་མིན།། གང་དུ་རྩ་བ་ཀུན་ཉམས་པ།། ཡན་ལག་བཅས
44b3 པའི་རང་བཞིན་འདས།། ཀུན་གྱིས་སྤངས་བྱའི་གནས་ཡིན་ཕྱིར།། འགྲོགས་དང་ཕྲད་ན་ལྟུང་བར་འགྱུར།། སངས་རྒྱས་ཀུན་གྱིས་བྱིན་བརླབས་པའི།། རྩ་བའི་དམ་ཚིག་གང་འདས་པ།། རྒྱལ་བ་འཁོར་བཅས་བཀའ
44b4 བཅག་ནས།། ཐར་མེད་སྡུག་བསྔལ་གནས་སུ་ལྟུང་།། ཡན་ལག་དམ་ཚིག་རྨད་པོ་ཆེ།། འདས་ན་དངོས་གྲུབ་མི་འབྱུང་ཞིང་།། ཐེག་ཆེན་ལྟ་སྤྱོད་སྤངས་པ་ཡིས།། ངན་འགྲོ་འཁོར་བའི་གནས་སུ་ལྷུང་།། སངས་རྒྱས
44b5 ཀུན་གྱི་སྐུ་གསུང་ཐུགས།། རྡོ་རྗེའི་དམ་ཚིག་ཆེན་པོ་སྟེ།། མ་ལུས་གསང་བར་མཉམ་སྦྱོར་བས།། སངས་རྒྱས་ཀུན་གྱི་རང་བཞིན་ཡིན།། རྩ་བ་ལྔ་དང་ཡན་ལག་བཅུ།། ཐབས་དང་ཤེས་རབ་སྐུ་གསུང་ཐུགས།། ལྔ་ཡི
44b6 རང་བཞིན་མཉམ་སྦྱོར་བས།། གྲངས་དང་བྱེ་བྲག་མ་ངེས་ཏེ།། མོས་དང་བསམ་པའི་ཁྱད་པར་སྣང་།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། དམ་པས་བྱིན་གྱིས་བརླབས་པའི་འདའ
iiif viewer powered by OpenSeadragon
