| e-texts navigator |
| Wylie |
43b1 ཅིག་ཙམ་ཡང་འདའ་མི་རུང་།། རྒྱལ་བ་ཀུན་གྱི་ཐུགས་འཇུག་ཅིང་།། ཡེ་ཤེས་སྙིང་པོར་རྒྱས་འདེབས་པ།། ཕྱག་རྒྱ་ཐུགས་ཀྱི་རང་བཞིན་ལས།། འདས་ན་རྒྱལ་བ་ཉིད་ཀྱང་ལྟུང་།། དམ་པའི་གྲོང་ཁྱེར་འཇུག་པའི
43b2 གྲོགས།། འོད་དང་སྙིང་པོ་ཇི་བཞིན་དུ།། ཐོག་མ་མཐའ་མར་མི་ཕྱེད་པ།། འབྲལ་དང་དབྱེ་བར་བྱ་བ་མིན།། སངས་རྒྱས་ཀུན་གྱི་གསང་བའི་དོན།། གཉེར་གཏད་པས་ཀྱང་གཞན་ལ་མིན།། གཉིས་ཀ་ལྟུང་འཇིག
43b3 འབྱུང་བས་ན།། དམ་པ་ཉིད་ལ་ངེས་པར་བྱ།། འཇོམས་པ་ཆེན་པོ་ཞེ་སྡང་ཆེ།། གཏུམ་པ་ཆེན་པོ་སྲེག་པ་ཉིད།། འདོད་ཆགས་ཆེན་པོ་བདེ་བ་ཆེ།། ཐབས་ཆེན་ཐར་པ་ཆེན་པོ་ཉིད།། གཏི་མུག་ཆེན་པོ་རྨོངས་པ
43b4 ཆེ།། གཉིས་མེད་བདག་ཉིད་གསང་བ་ཆེ།། ང་རྒྱལ་ཆེན་པོ་གནོན་པོ་ཆེ།། ཆེ་བའི་ཆེན་པོར་རང་བཞིན་གནས།། མི་མཐུན་སྤངས་པའི་རང་བཞིན་ཞི།། ཐེག་པ་ཆེན་པོ་དམ་ཚིག་མཆོག། དམ་པའི་རང་བཞིན་དམ
43b5 པའི་མཆོག། གནས་ན་དམ་པར་ལྷུན་གྲུབ་ཅིང་།། འདས་ན་དམ་པའང་འཚིག་པར་འགྱུར།། སངས་རྒྱས་ཀུན་གྱིས་བྱིན་བརླབས་པའི།། བསྟེན་པར་བྱ་བའི་དམ་ཚིག་ལྔ།། བྱིན་རླབས་བར་ཆད་སེལ་བར
43b6 བྱེད།། དངོས་གྲུབ་བསྒྲུབ་པའི་དམ་ཚིག་སྟེ།། དྲི་ཆེན་དག་པའི་ཆུ་ཉིད་དང་།། དཀར་ཆེན་དམར་ཆེན་འཇིགས་པའི་རྫས།། དཔའ་བོས་རེ་དོགས་མེད་པར་སྤྱད།། གསང་བའི་ཐིག་ལེ་དབྱེར་མེད་པས།། ཐབས
iiif viewer powered by OpenSeadragon
