| e-texts navigator |
| Wylie |
43a1 རྫོགས།། འདུལ་སྡོམ་བལྟ་སྤྱོད་རྣམ་པར་དག། བླང་དོར་མེད་པར་བྱིན་བརླབས་ཤིང་། མ་ལུས་འདུས་པར་རྫོགས་ཏེ་གནས།། ཐབས་ཆེན་གསང་བའི་རང་བཞིན་ལ།། མཐའ་དབུས་ཡོད་མེད་ལས
43a2 འདས་པའི།། མ་ལུས་སྒྱུ་མར་མཉམ་སྦྱོར་བས།། རླུང་སེམས་སྟོང་པར་ཡེ་དག་པས།། སྐྱེ་ཤི་འགྱུར་མེད་ནམ་མཁའི་ངང་།། གྲུབ་པས་བདག་གཞན་མེད་སྣང་བས།། དངོས་གཅིག་བསྒྲལ་བས་མ་ལུས་བསྒྲལ།། མ
43a3 ལུས་བདག་དང་མཉམ་སྦྱོར་བས།། ཐིག་ལེ་ཆེན་པོ་གཉིས་སུ་མེད།། གསང་བ་གསང་ཆེན་ལས་བྱུང་བའི།། མ་ལུས་གཉིས་མེད་དཀྱིལ་འཁོར་མཆོག། མ་ལུས་དབྱེར་མེད་ཚུལ་གཅིག་པས།། གཉིས་དང་ཡུལ་དུ་མི
43a4 འབྱེད་དེ།། རང་བྱུང་ལོངས་སྤྱོད་གསལ་རྟོགས་པས།། བླངས་པར་ཡོན་ཏན་ཕུན་སུམ་ཚོགས།། ཆོས་རྣམས་སྒྲ་ཚིག་བྲལ་བ་ཡིས།། དེ་བཞིན་ཉིད་ཀྱི་རྣམ་འཕྲུལ་བ།། སྒྲ་སྙན་བྲག་ཆར་བྱིན་བརླབས་པས།། མ་ལུས
43a5 བདེན་རྫུན་ཚིག་ཏུ་སྨྲ།། གང་དུ་རྟོག་དང་གཉེར་བ་ཡི།། རང་སེམས་རྡོ་རྗེར་བྱིན་བརླབས་པས།། གང་དུ་དེ་ལས་འདའ་བྱེད་ལྷུང་།། དེ་བས་སྤང་བར་སུ་ཞིག་སེམས།། སངས་རྒྱས་ཀུན་དང་མཉམ་གནས་ཤིང་།། དྲི
43a6 མེད་རྒྱུད་ལ་གང་འཇོག་པ།། སྤངས་པས་འཁོར་བའི་མཐའ་མར་ཏེ།། རྨི་ལམ་དུ་ཡང་སྤང་བ་མིན།། ལས་དང་ཉོན་མོངས་དག་བྱེད་ཅིང་།། ཡེ་ཤེས་འཁོར་ལོ་འགྲུབ་བྱེད་པ།། སྙིང་པོ་སྔགས་ཀྱི་དམ་ཚིག་ལ།། སྐད
iiif viewer powered by OpenSeadragon
