| e-texts navigator |
| Wylie |
42b1 བསྐུལ་བ།། སངས་རྒྱས་ཀུན་གྱི་བདེ་ཆེན་ནི།། ཕྱི་ནང་ཡུལ་སེམས་མ་ལུས་ཀུན།། བདག་ཉིད་ཆེན་པོའི་རོས་གང་ཞིང་།། བདེ་ཆེན་རྡོ་རྗེ་གཉིས་སུ་མེད།། དེ་ཉིད་ཟག་པ་མེད་པར་གནས།། གཉིས་མེད་འདྲེས་པའི
42b2 རང་བཞིན་ལ།། གསང་བའི་ཡེ་ཤེས་རང་བཞིན་གསལ།། ཐབས་ཆེན་གསང་བ་ལས་བྱུང་བའི།། རྒྱལ་བའི་དཀྱིལ་འཁོར་མ་ལུས་རྫོགས།། མ་ལུས་བདག་ཏུ་དབྱེར་མེད་པས།། ཐམས་ཅད་གསང་བ་ལྷུན་གྱིས
42b3 གྲུབ།། ཅེས་ཉིད་ལ་ཉིད་གསུངས་སོ།། སྒྱུ་འཕྲུལ་རྒྱ་མཚོའི་རྒྱུད་ལས། མཉེས་པ་ཆེན་པོ་བྱིན་གྱིས་བརླབས་པའི་ལེའུ་སྟེ་བཅོ་བརྒྱད་པའོ།། ། དེ་ནས་བཅོམ་ལྡན་དགྱེས་ཆེན་པོ།། མ་ལུས་བདག་ཉིད་ལྷུན
42b4 གྲུབ་པས།། བདག་ཉིད་བདེ་བར་བྱིན་རླབས་པ།། དམ་ཚིག་མཆོག་གི་བཤད་པར་བྱ།། གང་དུ་དོན་ལ་གནས་པ་དག། བདག་གཞན་དེ་བཞིན་ལྷུན་གྲུབ་ཕྱིར།། རྒྱལ་བ་ཀུན་གྱིས་བྱིན་བརླབས་པའི།། གང་མི་འདའ
42b5 བ་དམ་ཚིག་མཆོག། སྙིང་པོ་ཕྱག་རྒྱ་སྔགས་རིགས་རྣམས།། གསལ་བ་ཡིད་གཉིས་མེད་པ་ཡིས།། རྡོ་རྗེ་སྐུ་གསུང་ཐུགས་སྦྱོར་བས།། གང་ཡང་ཉམས་མེད་འབྲས་བུར་འགྲུབ།། དོན་དམ་སྙིང་པོར་གཉིས་མེད
42b6 ཅིང་།། ཐབས་ཀྱི་དོན་ལ་རབ་ངེས་ན།། ལས་དང་སྤྱོད་པ་གང་ཡང་རུང་།། མ་བསགས་མི་སོགས་ཚོགས་འགྱུར་ཏེ།། འདུལ་སྡོམ་དམ་ཚིག་མ་ལུས་པ།། དམ་ཚིག་ཆེན་པོའི་རང་བཞིན་དུ།། མ་བྱས་རང་གི་ངོ་བོར
iiif viewer powered by OpenSeadragon
