| e-texts navigator |
| Wylie |
42a1 སྦྱོར་བ་གང་གནས་པ།། ཡོན་ཏན་ལྷུན་གྲུབ་སྙིང་པོར་གནས།། སངས་རྒྱས་ཀུན་གྱི་རྨད་བྱུང་བ།། རང་བྱུང་ཐབས་ཀྱིས་བྱིན་བརླབས་ཤིང་།། གསང་བའི་མེ་ལོང་གསལ་གནས་ན།། ལྷུན་གྲུབ་འབྲས
42a2 བུ་གཞན་ལས་མིན།། ཕྱོགས་བཅུ་རྡུལ་སྙེད་གྲངས་མཉམ་པའི།། འབྲས་བུ་ཆེ་བ་ལྷུན་རྫོགས་དག། མ་ལུས་བདག་ཉིད་ལྷུན་རྫོགས་པས།། ཡོན་ཏན་གཞན་དག་སྨོས་ཅི་དགོས།། ཐབས་དང་ཤེས་རབ་གཉིས་མེད
42a3 པའི།། མ་ལུས་ཀུན་ལ་རྒྱས་བཏབ་ཅིང་། ཐབས་ལྡན་རྣམས་ལ་སྣང་གྱུར་ཀྱང་།། ཀུན་ལ་གསལ་བར་སྣང་བ་མིན།། གསང་བ་ཐིག་ལེ་ཆེན་པོ་ནི།། ཡོན་ཏན་སྟོབས་ཀྱི་བདག་ཉིད་དེ།། རྟོགས་གོམས་མཉེས་པས
42a4 ལྷུན་གྲུབ་ཅིང་།། ལོག་དང་ལེ་ལོའི་སྟོབས་ཀྱིས་མིན།། སྒྱུ་འཕྲུལ་དྲ་བ་མངོན་རྫོགས་པའི།། ཐིག་ལེ་རྫོགས་པའི་ཐབས་ཀྱིས་བསྐུལ།། གསང་བའི་རིག་པ་ཐབས་ཀྱིས་མནན།། རོ་གཅིག་བདེ་བ་ཆེན་པོར
42a5 གསལ།། རྣལ་འབྱོར་ཐབས་དང་ཤེས་རབ་ཀྱིས།། མ་ལུས་བདེ་བ་ཆེ་རྟོགས་ཤིང་།། ཐིག་ལེ་གསལ་བའི་རོས་ཁྱབ་ན།། བྱེད་སྤྱོད་དཀྱིལ་འཁོར་གསལ་བར་འགྱུར།། མ་ལུས་མ་བཅོས་མཉམ་སྦྱོར་ཞིང་།། དཀྱིལ
42a6 འཁོར་གསུམ་ལ་གོམས་པ་དང་།། བདག་དང་རྒྱལ་བར་མཉམ་སྦྱོར་བས།། མ་ལུས་མཆོད་པའི་ཆོ་གར་གནས།། གང་དུ་བསྐུལ་དང་ཆགས་པ་དང་།། དགའ་དང་བདེ་བས་བརྒྱན་པ་ཡི།། གསང་བའི་རོལ་མོས་གང
iiif viewer powered by OpenSeadragon
