| e-texts navigator |
| Wylie |
41b1 མཉེས་ཚུལ་སྣ་ཚོགས་ཀྱིས།། འཁོར་ལོ་བདག་པོ་མཉེས་པར་མཛད།། མ་ལུས་ལོངས་སྤྱོད་ཚོགས་མཆོག་མཉེས།། མ་རྟོགས་པ་དང་ལོག་པར་རྟོགས།། ཕྱོགས་རྟོགས་ཡང་དག་ཉིད་མ་རྟོགས།། དབྱེར་མེད་དག
41b2 མཉམ་ཚུལ་བརྟགས་ནས།། ལྷུན་གྱིས་གྲུབ་པའི་ཞིང་དུ་བསྒོམ།། ཐབས་དང་ཏིང་འཛིན་གོམས་པ་ཡིས།། གནས་ངན་དྲག་པོས་ཚར་བཅད་ནས།། ཚོགས་གཉིས་རྫོགས་པའི་རྒྱལ་སྲས་ལ།། སྐྱེ་ཤི་མེད་པར་ལྷུན
41b3 གྱིས་གྲུབ།། མ་ལུས་ཐབས་དང་ཤེས་རབ་ཏུ།། རྟོགས་དང་གོམས་པའི་སྦྱོར་བ་ཡིས།། བདེ་བ་ཆེན་པོའི་ཐིག་ལེ་ཡིས།། ཐབས་དང་སྦྱོར་བས་མཉེས་པར་བྱ།། མ་ལུས་རིགས་ལྔར་མཉམ་སྦྱར་ནས།། མི་འཆི་ལྔ་དང
41b4 ཤ་ལྔ་དག། འཇིགས་པ་མེད་པའི་དཔའ་བོ་ཡིས།། མཆོད་ཅིང་ལོངས་སྤྱོད་ཆེན་པོར་བྱ།། ལོངས་སྤྱོད་ལྔ་དང་མཉམ་སྦྱོར་བས།། ཕྱི་ནང་གསང་བར་མཉམ་སྦྱོར་ཞིང་།། བདེ་བ་ཆེན་པོར་གཉིས་མེད་པས།། དཀྱིལ
41b5 འཁོར་ལྔ་དང་མཉམ་པར་གནས།། ཕྱོགས་དུས་རྒྱལ་བའི་དཀྱིལ་ཆེན་པོ།། མ་ལུས་གཅིག་ཏུ་མཉམ་ཉིད་པས།། གཉིས་མེད་རང་བྱུང་ངོ་བོ་ཉིད།། རྟོགས་གོམས་གནས་པས་ལྷུན་གྱིས་གྲུབ།། འདྲེས་དང་མ་འདྲེས
41b6 མཉམ་གནས་པས།། ཐབས་དང་ཤེས་རབ་ཐིག་ལེ་ཉིད།། རོལ་པའི་ཐབས་ལས་རང་བྱུང་བ།། བདེ་ཆེན་གར་གྱི་སྙིང་པོ་མཆོག། མ་ལུས་རང་བྱུང་སྙིང་པོ་ལ།། འདོད་པའི་སྟོབས་ཀྱིས་ཉེར་རྫོགས་ཤིང་།། ཐབས་ཀྱི
iiif viewer powered by OpenSeadragon
