| e-texts navigator |
| Wylie |
41a1 བརྒྱད་ཅུ་ཀུན་འདུས་པའི།། ཕྱོགས་བཞི་སྟེང་འོག་བཅས་པ་ཡི།། བདེ་ཆེན་འབར་བས་ཁྱབ་གྱུར་ཅིང་།། ཕྱི་ནང་བཅུད་ཀྱིས་གང་བར་བྱེད།། གསང་བའི་དེ་ཉིད་ངེས་པ་ཡི།། སྒྱུ་འཕྲུལ་རྒྱ་མཚོའི
41a2 གསང་བའི་དོན།། མ་ལུས་ཁྱབ་པ་གསལ་འགྱུར་ཞིང་།། དག་པ་རྣམས་ལ་མངོན་གྱུར་ཀྱང་།། དབང་དང་མན་ངག་དྲལ་བ་ཡི།། རང་བཞིན་སྐལ་བ་དམན་པ་ལ།། ཐབས་ཀྱི་ཐེག་པ་མི་སྣང་སྟེ།། རིགས་ཆད་འཁོར
41a3 བའི་རིགས་འཆང་ཡིན།། བདེ་ཆེན་གསང་བའི་སྙིང་པོ་འདི།། མ་ལུས་རྫོགས་པའི་ངོ་བོ་སྟེ།། རང་བཞིན་ཐབས་ལས་མངོན་གྱུར་པས།། ཐབས་ཆེན་ལྷུན་གྲུབ་མངོན་དུ་གྱུར།། རྡོ་རྗེར་ཐིག་ལེ་སོན་པ་ཡི།། གསང
41a4 བ་ཐབས་ཀྱི་མེ་ལོང་ལ།། ཇི་བཞིན་མངོན་དུ་བྱས་པ་ཡི།། རྡོ་རྗེ་རིག་པའི་ལུང་ཐོབ་ཅིང་།། དབང་བསྒྱུར་ཕྱག་རྒྱ་ལྷུན་གྱིས་གྲུབ།། ཅེས་གསང་བའི་ཚིག་ཏུའོ།། སྒྱུ་འཕྲུལ་རྒྱ་མཚོའི་རྒྱུད་ལས། ལྷུན་གྱིས་གྲུབ་པའི
41a5 དཀྱིལ་འཁོར་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་དགྱེས་ཆེན་པོ།། མ་ལུས་མཆོད་པའི་སྤྲིན་བཀོད་དེ།། ཕྱི་ནང་གསང་བ་སྣ་ཚོགས་པའི།། དགྱེས་པའི་མཆོད་པ་བསྟབ་པར
41a6 མཛད།། ཇི་སྲིད་ནམ་མཁའི་མཐར་ཐུག་པའི།། སངས་རྒྱས་རྡུལ་སྙེད་མཐའ་ཡས་པའི།། དབང་པོའི་གྲོང་ཁྱེར་མཉེས་མཛད་པའི།། རང་གི་ལག་ཆ་མཛེས་ལྡན་པའི།། ལྷ་མོའི་ཚོགས་ནི་བསམ་ཡས་པ།། དགྱེས་པའི
iiif viewer powered by OpenSeadragon
