| e-texts navigator |
| Wylie |
40b1 གཉིས།། བདེ་ཆེན་སྣ་ཚོགས་དགའ་བས་བརྒྱན།། ཐིག་ལེ་ཕྲ་རགས་སྣང་བ་ཀུན།། འབབ་ཞོན་སྣང་བའི་ཐབས་ཉིད་ཀྱིས།། ཆགས་སོགས་ལྔ་པོ་ཟིལ་གནོན་པས།། དག་པ་ལྔར་ནི་རྣམ་པར་གནས།། ཐིག་ལེ་ཏིང
40b2 འཛིན་རོལ་པར་བཅས།། གནས་དང་ཉམས་ཀྱི་ཁྱད་པར་གྱིས།། རང་རང་ལས་དང་མཐུན་པ་ཡི།། མདོག་ཀྱང་རིམ་པར་གྱུར་པ་ཡིན།། བདེ་ཆེན་རྣམ་པར་ཐར་པ་ལ།། མི་གནས་ཡེ་ཤེས་དྲུག་ལྡན་པས།། ཕུང་པོ་ལ
40b3 སོགས་པར་ཆོད་བྲལ།། ཐབས་ཀྱིས་བདེ་ཆེན་ལུས་རྒྱས་པས།། གཡོ་བ་སྣ་ཚོགས་བཅས་པ་ཡིས།། འཇིགས་དང་བསྡིགས་དང་དགའ་བ་ཡིས།། སྒྲ་རྣམས་སྣ་ཚོགས་སྟོན་པར་བྱེད།། ཆགས་པས་ཐིག་ལེ་ཕྲེང་བཅས
40b4 ཏེ།། རྡོ་རྗེ་སྣང་བས་ཁྱབ་པར་བྱེད།། རང་ལུས་ཐབས་དང་བཅས་པ་ཡིས།། ཐིག་ལེ་སྟོང་པར་བཅས་པ་ཡིས།། གཅོད་དང་འཇོམས་སོགས་སྣ་ཚོགས་པས།། བདེ་བའི་རོ་ནི་སྣ་ཚོགས་ལྡན།། གཉིས་མེད་རོ་ནི་ཐིག
40b5 ལེར་འབྲེལ།། རྩ་བཅུད་ཤེས་པར་བཅས་པ་ཡིས།། ཐིག་ལེའི་ཕྱག་རྒྱ་བཞིར་བཅས་པས།། བདེ་ཆེན་གསང་བའི་ཐིག་ལེ་ལ།། དགུག་ཅིང་སྒྲོལ་བསྟིམ་ལ་སོགས་པ།། བྱ་བའི་ལས་ལ་དབང་ཐོབ་འགྱུར།། སྟེང
40b6 འོག་ཐབས་ལས་བྱུང་བ་ཡི།། གསང་བའི་ཐིག་ལེ་ཆེན་པོ་ནི།། ཡོན་ཏན་རྫོགས་པའི་བདག་ཉིད་དེ།། སྣ་ཚོགས་རོ་དང་བཅས་པ་ཡི།། ཉི་ཟླ་འཁོར་ལོ་གེ་སར་བཅས།། གསང་བའི་ལུས་ལ་རྟག་ཏུ་གནས།། བྱེ་བྲག
iiif viewer powered by OpenSeadragon
