| e-texts navigator |
| Wylie |
406a1 ཆགས་ཀུན་འབྱུང་དང་།། ཐམས་ཅད་དབང་བསྡུས་དོན་འགྲུབ་པ།། མ་ལུས་ཀུན་འདུས་རྣམ་པར་དག། ཀུན་ནས་ཟླུམ་ཞིང་འོད་ཟེར་འཕྲོ།། རིགས་བཞི་མ་ལུས་ཐམས་ཅད་ཀུན།། མཉམ་རྫོགས
406a2 དབྱིངས་སུ་ཐམས་ཅད་འདུས།། རིགས་རྣམས་གཅིག་མེད་གཅིག་པ་སྟེ།། ལྷུན་གྲུབ་དཀྱིལ་འཁོར་ངང་ཉིད་དུ།། ཕྱག་རྒྱའི་དམ་ཚིག་མཚན་ཉིད་ནི།། ཐུགས་ཀྱི་རྟགས་སུ་བསྟན་པ་ཡིན།། དཔེར་ན་རྒྱལ་པོས་རྒྱས་བཏབ
406a3 ན།། སེམས་ཅན་ཀུན་གྱི་ཡོང་མི་འདའ།། དེ་བཞིན་མཉམ་ཉིད་ཕྱག་རྒྱ་ཡིན།། ཀུན་ལ་ཁྱབ་ཅིང་ཐམས་ཅད་སྣང་།། སྐུ་གསུང་ཐུགས་ཀྱི་རྒྱས་བཏབ་ན།། བདུད་དང་མུ་སྟེགས་མང་པོ་ཀུན།། མི་མཐུན་ཕྱོགས་ཀྱིས་དབང
406a4 བྱར་མེད།། རྡོ་རྗེ་སེམས་དཔའི་རིགས་ངེས་ན།། འདི་ལྟ་བུ་ལ་རྟག་ཏུ་གནས།། དེ་ལྟ་བུ་ཡི་བློ་མེད་ན།། རྡོ་རྗེའི་རིགས་སུ་ཡོང་མི་བཤད།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཕྱག་རྒྱའི་དམ་ཚིག་གི་ལེའུ་སྟེ།
406a5 བདུན་ཅུ་བརྒྱད་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་དེ་བཞིན་གཤེགས་པ་ཉིད་ལ་གསང་སྔགས་ཀྱི་རྒྱལ་པོ་བརྟན་པར་བཟུང་བ་འདི་ཆེད་དུ་བརྗོད་དོ།། ཀྱེ་ཀྱེ་ཕྱོགས་བཅུ་དུས་བཞི་རང་བཞིན
406a6 འདི།། དེ་བཞིན་གཤེགས་པའི་ངོ་བོ་ཉིད།། གཟུང་འཛིན་སྤྲོས་ལ་འཆེལ་བ་ཡི།། རྣམ་རྟོག་ཞགས་པས་སོ་སོར་ཟིན།། ས་རྣམས་ཁྱད་པར་བཀོད་པ་ཡང་།། གསང་བའི་སྙིང་པོར་འགྲོ་བའི་ལམ།། ཡེ་ཤེས་ངོ་མཚར་རབ
iiif viewer powered by OpenSeadragon
