| e-texts navigator |
| Wylie |
405b1 ས།། བཅུ་གསུམ་དོན་གྲུབ་དེ་གནས་པ།། མཐར་ཕྱིན་གང་ལའང་མི་གནས་པའོ།། རང་བཞིན་ཕྱག་རྒྱ་ཆེན་པོ་ནི།། ཕྱི་ནང་སྣོད་བཅུད་ཐམས་ཅད་ཀུན།། ཐམས་ཅད་ཤེས་རབ་དང་དུ་གནས།། རིགས་ལྔ་བདེར
405b2 གཤེགས་ཡབ་ཡུམ་དུ།། མ་བཅོས་ཡེ་ནས་དེ་ལྟར་གནས།། ཐབས་དང་ཤེས་རབ་ཉིད་ལ་རོལ།། བདེ་མིན་མ་ཆགས་ཚོགས་ཆེན་པོ།། ཡང་དག་ཉིད་ལ་རབ་ཏུ་རྫོགས།། ལྷག་པའི་ཕྱག་རྒྱ་ཆེན་པོ་ནི།། ནང་གི་རྟགས་ནི
405b3 ཕྱིར་བྱུང་སྟེ།། མདོར་བསྡུས་ཕྱག་རྒྱ་ཆེན་པོ་དང་།། གཞན་ཡང་ཕྱག་རྒྱ་སྣ་ཚོགས་པ།། ལག་གི་འདུ་འཕྲོ་བསམ་ཡས་དང་།། ཡན་ལག་སྟབས་ཆེན་བསྐུལ་བསིགས་ཀུན།། ཉིད་ཀྱི་དབྱིངས་ལས་མ་གཡོས་ཀྱང་།། རང
405b4 བཞིན་ཉིད་ཀྱི་དེ་ལྟར་གནས།། འཇོམས་ཤིང་ཅིས་ཀྱང་མི་ཚུགས་པ།། རང་བྱུང་ཆེན་པོ་ལྷ་ཡི་ལྷ།། ཐམས་ཅད་ཀུན་ལ་འབིགས་པར་བྱེད།། དཔའ་བོ་ཞེས་ཀྱང་གདགས་པར་བྱའོ།། ལས་དང་ལས་ཀྱིས་མི་གོས
405b5 པ།། གཉིས་མེད་དབྱིངས་ཀྱི་དོན་རྟོགས་ཤིང་།། མ་ཆགས་པ་ལ་ཆགས་པ་དང་།། ཤིན་ཏུ་རྣམ་པར་དག་པ་ཡི།། དེ་བཞིན་ཉིད་དབྱིངས་དཀྱིལ་འཁོར་ལ།། སྐུ་གསུང་ཐུགས་ལྡན་ཟད་མི་ཤེས།། ཡོན་ཏན་མི་ཟད་གཏེར
405b6 འགྱུར།། གཞི་ནི་མི་ཟད་པར་ལྡན་པའོ།། སྐུ་གསུང་ལས་རྣམས་རྫོགས་བྱེད་པའོ།། རྣམ་པར་རྟོག་མེད་ཚུལ་གྱིས་ནི།། ཐམས་ཅད་ཀུན་ལ་ཆགས་མེད་རོལ།། འདུལ་བའི་དོན་ལན་བསམ་མི་ཁྱབ།། འཇོམས་དང་མ
iiif viewer powered by OpenSeadragon
