| e-texts navigator |
| Wylie |
405a1 གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྔགས་འཆང་རྣམས་དོན་ཡོད་པར་བྱ་བའི་ཕྱིར་ཐམས་ཅད་ཕྱག་རྒྱར་འདུས་ཤིང་ཕྱི་ནང་སྣོད་བཅུད་ཐམས་ཅད་ལ་འདི་ལྟར་བརྟགས་ཤིང་ཕྱག་རྒྱའི་དམ་ཚིག
405a2 བསྲུང་བ་དང་། དམ་ཚིག་ནི་གནས་ཡིན་ནོ།། ཕྱག་རྒྱས་བསྡུས་ཤིང་སྤྲོས་པ་ཡང་འདི་ཡིན་ཏེ། ཆེད་དུ་བརྗོད་པ་འདི་བརྗོད་དོ།། གསང་བ་དེ་ཉིད་ཁོ་ན་ལས།། བྱང་ཆུབ་མཆོག་འདི་བསྟན་པའོ།། མཉམ་པ་ཆེན་པོའི
405a3 དཀྱིལ་འཁོར་ནི།། ཕྱོགས་བཅུ་དུས་བཞི་མ་ལུས་པའི།། འདས་དང་མ་འདས་ཐམས་ཅད་ཀུན།། ཡེ་ནས་དབྱེར་མེད་དེ་བཞིན་ཉིད།། མཉམ་དང་མི་མཉམ་བྱ་བ་མིན།། དེ་བཞིན་ཉིད་ཀྱི་ངང་དུ་འུབ།། འཇིག་རྟེན་འདས
405a4 དང་འཇིག་རྟེན་པའི།། བརྗོད་པ་མ་ལུས་ཐམས་ཅད་ཀུན།། ཆོས་ཉིད་ངང་ལས་མ་རྟོགས་པ།། ལོག་རྟོགས་ཉོན་མོངས་རྡུལ་ཙམ་མེད།། ཕྱག་རྒྱ་སྣ་ཚོགས་འོད་འབར་ཡང་།། དེ་བཞིན་ཉིད་ལས་མ་གཡོས་ཏེ།། བདག
405a5 ཉིད་དབྱིངས་ལས་མི་གཞན་ཕྱིར།། མཉམ་ལ་མཉམ་པར་གནས་པ་ཡི།། རྣམ་གསུམ་ཚུལ་གྱིས་བསྒོམ་བྱས་ཤིང་།། ཕྱག་རྒྱ་སྐྱེད་ཅིང་ལོག་འདུལ་བ།། བྱ་བྱེད་མེད་པའི་ཚུལ་གྱིས་སུ།། ལས་རྣམས་མ་ལུས་རྫོགས་པར
405a6 བྱེད།། དེ་ལྟར་རྟོགས་ཤིང་རིགས་ཀྱི་མཆོག། བདག་ཉིད་ཕྱག་རྒྱ་ཀུན་གྱི་བདག། ཡེ་ནས་རང་བཞིན་འོད་གསལ་བས།། བྱང་ཆུབ་སྐྱེ་འཁྲུངས་རྒྱུ་ཡང་ཡིན།། འབྲས་བུ་ཡང་དག་ཉིད་དུའོ།། རྒྱུ་འབྲས་དབྱེར་མེད་རྡོ་རྗེའི
iiif viewer powered by OpenSeadragon
