| e-texts navigator |
| Wylie |
404b1 ནའོ།། ཐམས་ཅད་གཉིས་མེད་རྟོགས་གྱུར་ན།། དེ་ཉིད་དོན་དམ་དབྱིངས་ཡིན་ཏེ།། གཞན་ནས་བཙལ་ཞིང་གཞག་ཏུ་མེད།། ཡོད་ལས་བཙལ་ན་སྒྲོ་བཏགས་འགྱུར།། མེད་ལས་བཙལ་ན་སྐུར་བཏབ་སྟེ།། ཡོད་མེད
404b2 གཉིས་ལས་བཙལ་བྱས་ན།། དེ་ནི་ལུང་དུ་མ་བསྟན་འགྱུར།། རྣམ་པར་རྟོག་པ་མི་མངའ་སྟེ།། དེ་ཡིས་མི་མཁྱེན་ཅི་ཡང་མེད།། རྣལ་འབྱོར་ལྟ་བ་དེ་ལྟ་བུ།། ཚིག་གིས་སྔ་ཕྱི་ཡོད་མོད་ཀྱང་།། དོན་གྱིས་ཅིག་ཆར་རྫོགས
404b3 པར་བསྒོམ།། དེ་ལྟ་བུ་ཡི་དོན་རྟོགས་ཀྱང་།། འགྲོ་ཉལ་འདུག་སྡོད་ལོངས་སྤྱད་ཀྱང་།། ཐེག་ཆེན་སྒོམ་ལས་ཉམས་པ་མེད།། གོང་གི་དོན་ལྟར་མ་རྟོགས་པའི།། བློ་ངན་མཉམ་པར་ཁུངས་ཕྱུང་ནས།། མ་རྟོགས་ལེ་ལོ་སྒོམ
404b4 ལས་བྱས།། དོན་མ་འགྲུབ་པར་ངན་སོང་འགྲོ།། སེམས་ཀྱིས་མཉམ་པར་མ་རྟོགས་ན།། ཚིག་གིས་མཉམ་པས་སངས་མི་རྒྱས།། དེ་བས་དོན་ཚིག་ལྡན་པར་བྱོས།། འོན་ཏང་ཐེ་ཚོམ་མེད་པར་འགྲུབ།། རྣལ་འབྱོར་དོན
404b5 ཆེན་རྟོགས་པ་ཡིས།། དུས་མཐའ་མེད་པར་དེ་ལྟར་བསྒོམ།། ཡོན་ཏན་ནམ་མཁའི་མཐའ་དང་མཉམ།། སྤྱོད་ཡུལ་སངས་རྒྱས་ཉིད་དུ་གཅིག། རྟག་ཏུ་བསོད་ནམས་ཚོགས་ཆེན་ལྡན།། བྱ་བྱེད་མེད་པའི་བརྩོན་འགྲུས
404b6 ཀྱིས།། དེས་ནི་བྱང་ཆུབ་སྙིང་པོ་ལེན།། ཞེས་གསང་བའི་ཚིག་ཏུའོ།། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་དབང་པོ་དང་ཡུལ་དུ་འདུས་པ་བསྟན་པའི་ལེའུ་སྟེ་བདུན་ཅུ་བདུན་པའོ།། །། དེ་ནས་དེ་བཞིན་གཤེགས་པ
iiif viewer powered by OpenSeadragon
