| e-texts navigator |
| Wylie |
403a1 ལ།། དེ་དང་བདག་ཏུ་རྣམ་པར་རྟོག། བདེ་སྡུག་མཚན་མ་སོ་སོར་འཛིན།། ཀུན་གཞི་དངོས་པོ་མེད་པ་ལ།། བག་ཆགས་སོགས་པའི་གནས་མེད་དེ།། སྣང་བའི་དངོས་པོ་མེད་པ་ལ།། ཉོན་མོངས་བློ་ཡིས
403a2 བླང་དུ་མེད།། བསྒོ་དང་བསྒོ་བར་བྱ་བ་མེད།། དེ་ལྟར་སྒོ་བྱེད་དངོས་པོ་མེད།། མེད་བཞིན་སེམས་ཀྱིས་ལོག་བརྟགས་པ།། ཁམས་གསུམ་བཙོན་རར་རྟག་ཏུ་འཁོར།། ཡིད་ཀྱི་རྣམ་པར་ཤེས་པ་ནི།། སྣང་དང་མི་སྣང
403a3 གཉི་ག་ལ།། སྐད་ཅིག་ཡུད་ཙམ་རྟོག་པ་ཡིན།། རྟོག་པ་ཉིད་ཀྱང་མ་གྲུབ་ན།། ཡུལ་གྱི་དངོས་པོ་ག་ལ་འགྲུབ།། ཡིད་ཀྱི་དེ་བཞིན་རྒྱུན་ཉིད་ནི།། སྔ་མ་འདས་ཤིང་མི་དམིགས་པ།། ཕྱི་མ་མ་བྱུང་བརྟག་ཏུ་མེད།། དེ་ལྟར
403a4 རང་བཞིན་དམིགས་སུ་མེད།། རྩི་ཤིང་ཁ་ན་རླུང་འཕྱོ་འདྲ།། རྒྱུད་ནི་ཡོངས་སུ་མ་ཆད་པ།། འདི་ནི་ཀུན་ཏུ་འབྱུང་བ་ཡིན།། དེ་ལྟར་དོན་རྣམས་དངོས་པོ་མེད།། ཆུ་དང་རླུང་དང་རླབས་འདྲ་བ།། དེ་གསུམ་གཅིག་དང་སོ་སོ།
403a5 མིན།། དེ་བཞིན་ཀུན་གཞི་ཉོན་མོངས་ཡིད།། གཅིག་པ་མ་ཡིན་སོ་སོ་མིན།། ཆོས་ཀྱི་དབྱིངས་དང་མཉམ་པའི་དབྱིངས།། ཐམས་ཅད་ཡེ་ཤེས་དབྱེར་མེད་ཅིང་།། གཅིག་ཏུ་ཡང་ནི་བརྗོད་པ་མེད།། དེ་ལྟར་མ་རྟོགས
403a6 སེམས་ཅན་ཡིན།། རྟོགས་ན་སངས་རྒྱས་གུད་ན་མེད།། བྱང་ཆུབ་སེམས་ཀྱི་དེ་བཞིན་ནི།། ཤིན་ཏུ་མི་དམིགས་བརྟག་དཀའ་བ།། ཡངས་ལ་རྒྱ་ཆེ་གཏིང་ཟབ་པ།། ཤེས་རབ་ཟབ་པས་རྟོགས་འགྱུར་ཏེ།། གང་ནས་མ
iiif viewer powered by OpenSeadragon
