| e-texts navigator |
| Wylie |
402b1 པར་བྱ།། དབང་དུ་བསྡུ་དང་བསྒོམ་པའི་ཐབས།། ཇི་ལྟར་འཚམ་པ་བཞིན་དུ་བྱ།། མ་ལུས་ཐམས་ཅད་བྱོས་ཤིག་པར།། ལྷག་མ་བྱིན་ནས་དབང་ཡང་བསྐུར།། གཞན་ཡང་འགྲོ་བ་ཐམས་ཅད་ལ།། འདོད་ཡོན་ལྔ་ཡི་སྦྱིན
402b2 པ་བཏང་།། དེ་ནས་ལས་རྣམས་རྫོགས་བྱས་ནས།། དབང་ཕྱུག་ཆེན་པོའི་གནས་བརྟེན་ནས།། རིགས་ལྔ་ཡེ་ཤེས་ལྔ་ལ་སོགས།། འཁོར་གྱི་དཀྱིལ་འཁོར་མ་ལུས་པ།། བདག་ལ་ཐམས་ཅད་བསྡུ་བར་བྱ།། དེ་ལྟར་བསྒྲུབ
402b3 པའི་ངང་འཆང་བ།། ཡེ་ཤེས་ཚོགས་གཉིས་རྫོགས་བྱས་ནས།། རིག་འཛིན་རིག་པའི་ས་ལ་གནས།། ཐེག་དམན་སྤྱོད་པར་ཡོད་མི་འགྱུར།། མི་ཁོམ་གནས་སུ་སྐྱེ་མི་འགྱུར།། སྐྱེ་ཤི་མེད་པའི་གཡུང་དྲུང་ཐོབ།། སངས
402b4 རྒྱས་ཞིང་ཡང་སྦྱོང་བར་བྱེད།། ངན་སོང་གནས་རྣམས་སྟོངས་པར་བྱེད།། ཡང་དག་མཆོག་གི་སྙིང་པོ་འགྲུབ།། དབང་པོ་ཡུལ་དུ་སྣང་བ་ཀུན།། ཡུལ་རྣམས་ཡོད་པ་མ་ཡིན་ཏེ།། ཀུན་གཞི་རྣམ་པར་ཤེས་པ་ཉིད།། དངོས
402b5 པོ་སྣ་ཚོགས་པར་སྣང་སྟེ།། སྣང་བའི་དངོས་པོ་རྣམ་བཤིག་ན།། སོ་སོའི་མཚན་ཉིད་རྣམ་བཤིག་ནས།། གཞིགས་ན་ནམ་མཁའི་ངང་དུ་ཞི།། ནམ་མཁའ་དེ་ཉིད་ལྔས་གཞིགས་ན།། མཚན་ཉིད་མེད་པའི་དབྱིངས
402b6 སུ་ཐིམ།། ཐམས་ཅད་ཀུན་གྱི་འབྱུང་གནས་སོ།། གཞི་རྩ་མེད་པའི་སྐད་ཅིག་མ།། སྣང་བ་མི་འགོག་ཐབས་ཡིན་ཏེ།། རང་བཞིན་མེད་པ་ཤེས་རབ་ཉིད།། ཉོན་མོངས་རྣམ་པར་ཤེས་པ་ནི།། ཀུན་གཞི་ཉིད་སྣང་སྤྱོད་ཡུལ
iiif viewer powered by OpenSeadragon
