| e-texts navigator |
| Wylie |
402a1 ཚིམ་པར་འགྱུར།། ཡི་དགས་གནས་སུ་ལོངས་སྤྱོད་ལྡན།། དཀྱིལ་འཁོར་མ་ལུས་མཆོད་པ་ཡིན།། བདེ་བ་ཆེན་པོ་རྫོགས་པའོ།། རྣལ་འབྱོར་ལས་སུ་རུང་རྣམས་ཀྱིས།། རྣམ་པ་མང་པོས་བརྒྱན་པ
402a2 དང་།། སྦྱོར་མཆོད་དག་གིས་ལོངས་སྤྱོད་ན།། དཀྱིལ་འཁོར་བསམ་ཡས་ལྷུན་གྲུབ་འགྱུར།། བདེ་ཆེན་དཀྱིལ་འཁོར་འབར་འགྱུར་ནས།། སྡིག་པའི་མུན་ནག་སེལ་བར་བྱེད།། དཔུང་གི་ཚོགས་ཀྱིས་མི་ཐུབ་པའི།། མཐུ
402a3 ཆེན་དག་ཀྱང་འགྲུབ་པར་བྱེད།། ཚོགས་ཀྱི་ཕྲིན་ལས་ཞེས་བྱ་བའི་དམ་ཚིག་ནི། བྱེད་པ་མེད་པའི་ཚུལ་གྱིས་ནི།། ཀུན་ལ་ཐོགས་པ་མེད་པར་སྤྱད།། ཐམས་ཅད་མ་ལུས་འདུལ་བར་བྱེད།། མི་མཐུན་ཕྱོགས་ནས་དབང་དུ
402a4 བྱེད།། ཡོན་ཏན་ཆེན་པོ་འཕེལ་བར་བྱེད།། ཁྲོ་བོ་གཏུམ་པའང་ཞི་བར་བྱེད།། ཐམས་ཅད་ཀུན་ལ་སྤྱད་བདེ་བ།། ཆགས་པ་མེད་པའི་ཚུལ་གྱི་གནས།། དབྱིངས་སུ་བསྡུས་པའི་དཀྱིལ་ཡིན་ཏེ།། འཕྲོ་འདུ་མང་པོའི་འཁོར
402a5 གྱིས་བསྐོར།། མཉམ་པ་ཆེན་པོའི་ངང་ཉིད་ནི།། དེ་ལྟ་བུ་ཡི་ཚུལ་དུ་གནས།། འཁོར་གྱི་ཕྲ་མེན་ཚིམ་པར་བྱེད་ཅེས་བྱ་བའི་དམ་ཚིག་ནི། བདག་ཉིད་འདུལ་བའི་དབང་ཕྱུག་ཏུ།། རྟག་ཏུ་མཉམ་བཞག་ཁྲོ་བོའི
402a6 ཚུལ།། འཁོར་གྱི་ཁྲོ་རྣམས་དེ་བཞིན་ཏེ།། མདོག་དང་ཕྱག་རྒྱ་ཐམས་ཅད་དང་།། སྔགས་མཆོག་དམ་པ་མ་ལུས་འདོན།། དེ་ནས་ཕྲ་མེན་འཁོར་བསྡུས་ནས།། སོ་སོའི་ལས་དང་མཐུན་བྱས་ཏེ།། སོ་སོའི་གནས་སུ་གཞག
iiif viewer powered by OpenSeadragon
