| e-texts navigator |
| Wylie |
401a1 མཚན་སྣ་ཚོགས་འབྱུང་འགྱུར་བ།། གཞི་རྩ་ཡོད་པ་མ་ཡིན་ཏེ།། རང་བཞིན་ངང་གིས་དེ་ལྟར་འབྱུང་།། སོ་སོའི་རིགས་ཚོགས་སྣང་བ་ནི།། ཐབས་ཆེན་དག་ཏུ་རྟག་ཏུ་མཉམ།། མཚན་ཉིད་སོ་སོར་གནས་པ
401a2 ནི།། ཤེས་རབ་དབྱིངས་ཀྱི་ངང་དུ་མཉམ།། རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པ་ནི། རྣམ་རྟོག་ཀུན་གཞི་མ་ཡིན་པ།། རང་བཞིན་མེད་པ་དོན་གྱི་གཞི།། འདི་ནི་ཆོས་ཀྱི་དབྱིངས་ཞེས་བྱ།། དེ་བཞིན་ཉིད་ཀྱི་ཡེ
401a3 ཤེས་སོ།། ཆོས་རྣམས་མ་ལུས་ཐམས་ཅད་ཀུན།། ང་དང་བདག་ཏུ་མི་འཛིན་ཅིང་།། ཀུན་ཀྱང་དབྱེར་མེད་པ་ཡིན་པས།། ཐམས་ཅད་མེ་ལོང་ལྟ་བུའི་ཚུལ།། ཐམས་ཅད་ཀུན་ལ་ཡུད་རྟོག་ཅིང་།། རྟོག་དང་བརྟག་པར་བྱ་བ
401a4 མེད།། དུས་གསུམ་ཀུན་ཏུ་མི་དམིགས་པ།། འདི་ནི་མཉམ་ཉིད་ཡེ་ཤེས་ཡིན།། ལོག་རྟོགས་དབང་པོའི་སྤྱོད་ཡུལ་སྤངས།། དབང་པོའི་ཡུལ་རྣམས་དངོས་མེད་པར།། ཐམས་ཅད་དབྱེར་མེད་དེ་བཞིན་ཉིད།། སོ་སོར་རྟོག
401a5 པའི་ཡེ་ཤེས་ཡིན།། མཉམ་པ་རྣམ་ལྔ་དེ་ལྟར་རྟགས།། ཆོས་རྣམས་མ་ལུས་ཐམས་ཅད་ལ།། ཡེ་ནས་རང་བཞིན་མེད་པ་དང་།། ཐབས་ཆེན་ལྷུན་གྱིས་གྲུབ་པར་བརྟགས།། འདི་ནི་ཡང་དག་རྟོགས་པ་ཡིན།། ཚོགས་ཀྱི
401a6 དཀྱིལ་འཁོར་ཞེས་བྱ་བའི་དམ་ཚིག་ནི།། བསོད་ནམས་ཡེ་ཤེས་ཚོགས་རྫོགས་ཏེ།། རང་རིག་མཐའ་དབུས་མེད་པའི་དཀྱིལ།། ཡེ་ཤེས་བཞི་འཕྲོ་འཁོར་ལོའི་ཚུལ།། ཡང་ན་རྡོ་རྗེ་སེམས་དཔའ་ཉིད།། རིགས་བཞིའི་ལྷ
iiif viewer powered by OpenSeadragon
