| e-texts navigator |
| Wylie |
400a1 ཡུལ་ལྔ་དག་ལ་དབང་བྱེད་ཅིང་།། ཕྱིན་ཅི་ལོག་ནི་དངོས་པོར་འཛིན།། དངོས་པོར་བཟུང་བས་ཁམས་གསུམ་འཁོར།། གཟུགས་རྣམས་མ་ལུས་ཐམས་ཅད་ལ།། སྣང་ཞིང་དངོས་པོ་མེད་པ་དང་།། ལྷ་དང
400a2 ལྷ་མོར་དངོས་པོར་བརྟགས།། བདག་དང་ལྷ་ཉིད་གཉིས་པའོ།། སྒྲ་རྣམས་སྣ་ཚོགས་གྲགས་པ་ཡང་།། སྒྲ་ཉིད་དངོས་པོ་མེད་པར་ཤེས།། སྒྲ་བརྗོད་མ་ལུས་ཐམས་ཅད་ནི།། ཆོས་ཀྱི་སྒྲ་ཆེན་སྣ་ཚོགས་ཡིན།། དྲི་ཡི་དངོས
400a3 པོར་སྣང་བ་ཡང་།། དྲི་ཉིད་རང་བཞིན་གང་ཡང་མེད།། དྲི་སྣོམ་ཆོས་ཀྱི་དྲི་ཡིན་ཏེ།། ཤེས་རབ་ཆེན་པོས་དེ་ལྟར་རྟོགས།། རོ་ཡི་དངོས་པོར་སྣང་བ་ཡང་།། རོ་ཡི་རང་བཞིན་ཡོད་མ་ཡིན།། རོ་བྲོ་དེ་བཞིན་ཉིད་ཀྱི
400a4 རོ།། བདེ་བ་དེ་ཡིས་ཚིམ་པར་བྱེད།། རེག་བྱ་སྣ་ཚོགས་སྣང་བ་ཡང་།། རེག་བྱའི་དངོས་པོ་ཡོད་མེད་དེ།། རེག་བྱར་སྣང་བ་ལོངས་སྤྱོད་ཡིན།། བདེ་བ་ཆེན་པོ་ཆོས་ཀྱི་སྐུ།། མི་ཤེས་ཕྱིན་ཅི་ལོག་རྣམས་ཀྱིས།། དབང་པོའི
400a5 ལ་ལ་ཆགས་འགྱུར་ན།། རྟག་ཏུ་འདོད་དང་མི་འབྲལ་ཞིང་།། ངན་སོང་གསུམ་དང་མི་ཁོམ་བརྒྱད།། རྩ་བ་སོག་མའི་མེ་བཞིན་དུ།། ཁམས་གསུམ་དག་ཏུ་འཁོར་བར་འགྱུར།། དེ་བས་ཡེ་ཤེས་ཆགས་མེད
400a6 རྟོགས།། བྱས་ལ་མི་སོགས་བསོད་ནམས་བྱོས།། ཀུན་ལ་སྤྱོད་ཅིང་མི་གོས་པས།། ཡེ་ཤེས་ཆེན་པོ་རྟག་ཏུ་བསྒོམས།། མཉམ་པ་ལྔ་ཞེས་བྱ་བའི་དམ་ཚིག་ནི། དོན་དམ་པར་སྐྱེ་བ་མེད་པར་མཉམ་པ་དང་། ཀུན་རྫོབ་སྐུ
iiif viewer powered by OpenSeadragon
