| e-texts navigator |
| Wylie |
3b1 མེད་ཡེ་ཤེས་ངོ་བོར་ཤར།། དུས་གཅིག་ཡོན་ཏན་ལྷུན་རྫོགས་པས།། མཉམ་ཉིད་རེས་འཇོག་མེད་པར་གནས།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། གླེང་གཞིའི་ལེའུ་སྟེ་དང
3b2 པོའོ།། །། དེ་ནས་དེ་བཞིན་གཤེགས་པ་ཉིད།། སངས་རྒྱས་འདུས་པའི་ངོ་བོ་ཉིད།། དེ་ཉིད་བཤད་པའི་དགོངས་པ་ཡིས།། འཇུག་པའི་བདེ་བ་མཉམ་སྦྱོར་བས།། རོ་གཅིག་མཉམ་པའི་ངོ་བོར་གྱུར།། ཕྱོགས
3b3 བཅུ་དུས་བཞི་མ་ལུས་པ།། གཅིག་པུ་དུ་མར་དབྱེར་མེད་པས།། དགོངས་པའི་བྱིན་རླབས་ཉིད་ལ་ཉིད།། བརྗོད་ཅིང་གསུངས་པའི་དོན་ཉིད་ནི།། ཕུང་པོ་ཁམས་དང་སྐྱེ་མཆེད་དང་།། ཕྱི་ནང་སྣོད་བཅུད་མ་ལུས
3b4 པ།། ཐབས་དང་ཤེས་རབ་དབྱེར་མེད་པའི།། ལྷག་པ་ཀུན་རྫོབ་ཉིད་བརྗོད་པས།། རྒྱལ་མཆོག་བཙུན་མོ་རང་བཞིན་གྱིས།། རྒྱལ་བའི་ཚོགས་ལ་དབང་བསྒྱུར་ཞིང་།། ཕྱོགས་བཅུ་སྣོད་བཅུད་མ་ལུས་པ།། བདེ
3b5 ཆེན་ཐིག་ལེའི་རང་བཞིན་ཏེ།། ཐིག་ལེ་དབྱིབས་དང་མཚོན་ལས་འདས།། བདེ་བ་མཆོག་གི་སྙིང་པོར་གནས།། དེ་ཉིད་གསང་བའི་དབང་ཉིད་དེ།། རྒྱལ་བ་སྲས་བཅས་མྱོང་དགྱེས་ནས།། ཐིག་ལེ་བདེ་ཆེན་ཉིད་ལ
3b6 གནས།། དེ་ནས་ཐབས་དང་ཤེས་རབ་ཉིད།། མ་ལུས་འདུས་པའི་ངོ་བོ་ཡིས།། མཐོང་བའི་དོན་ཉིད་བསྟན་བྱའི་ཕྱིར།། གཉིས་མེད་ཐབས་ཀྱིས་ཉམས་མྱོང་བའི།། ཆགས་དང་ཆགས་བྲལ་རྣམ་པར་སྤངས།། ལྷན
iiif viewer powered by OpenSeadragon
