| e-texts navigator |
| Wylie |
3a1 གཟུགས་ཅན་ཏེ།། རྟོག་གེ་བྱིས་པའི་ཡུལ་མིན་པས།། རྒྱལ་སྲས་སེམས་དཔའ་རང་ཉིད་ལ།། ཉིད་ལ་འཆད་ཅིང་ཉིད་ཀྱིས་འགྲེལ།། གསང་མཛོད་སྒྱུ་འཕྲུལ་དྲ་བ་འདི།། བསྟན་པ་ཀུན་གྱི་རྩ་བ
3a2 སྟེ།། རང་བྱུང་ཡེ་ཤེས་གཅིག་པུ་ཉིད།། མ་ལུས་ཐམས་ཅད་ཁྱབ་པར་གསལ།། གསལ་བའི་ཐིག་ལེ་ཆེན་པོ་ནི།། ཡོན་ཏན་ལྷུན་རྫོགས་བདག་ཉིད་དེ།། དྷརྨ་ཙཀྲ་ཆོས་ཀྱི་གནས།། འོད་བཞི་ཨེ་སོགས་དབྱིབས་སུ
3a3 གནས།། མི་ཤིགས་ཐིག་ལེ་ཝཾ་དབྱིབས་ཅན།། རང་ལ་བདེ་བ་གསལ་བྱེད་བདག། མ་ནུ་ཡིད་སོགས་རྣམ་ཤེས་བཞི།། ཡེ་ཤེས་མྱོང་བས་བསྡུས་པར་བཤད།། ཡེ་ཤེས་ནམ་མཁའི་གཟུགས་སྐྱེས་པ།། པ་ར་མཱནྡ་དོན
3a4 ཟབ་མོ།། བདེ་བའི་དུས་ཉིད་སྔ་ཕྱི་བྲལ།། དུས་གསུམ་ཀུན་གྱི་ངོ་བོར་གནས།། རྒྱལ་བའི་བཞུགས་གནས་བྷ་ག་ཉིད།། ལས་དང་ཡོན་ཏན་རྫོགས་པའི་གནས།། ཐིག་ལེ་བྱང་ཆུབ་སེམས་ཉིད་དེ།། རང་བྱུང་ཡེ་ཤེས
3a5 ཀུན་གྱི་བདག། ཆགས་པས་ཁྱབ་པའི་ཡིད་ཅན་ལ།། རྟོག་བཅས་མཉམ་དུ་གནས་པའི་འཁོར།། ལྷན་ཅིག་སྐྱེས་པའི་བདེ་ཆེན་ནོ།། བརྗོད་པ་མེད་པའི་ཚུལ་གྱིས་མྱོང་།། བྱེད་པ་རླུང་གི་མཐའ་བསྡུས་པས།། མ་ལུས
3a6 ལྷན་ཅིག་སྐྱེས་པར་ཤར།། དུས་ལ་འཇུག་རྟོག་མེད་པའི་དུས།། བདེ་ཆེན་བཏགས་པ་ཟད་པའི་དུས།། རྒྱལ་བའི་མཛད་པ་བསམ་མི་ཁྱབ།། གང་ལ་གང་ལྟར་དེར་འདུལ་བའི།། སྤྱོད་པ་རྒྱ་མཚོ་དེ་ཉིད་དེ།། དཔག
iiif viewer powered by OpenSeadragon
