| e-texts navigator |
| Wylie |
39b1 བཅུ་དྲུག་པའོ།། །། དེ་ནས་བཅོམ་ལྡན་དགྱེས་ཆེན་པོ།། ཐོག་མ་མཐའ་མ་དབུས་མེད་པའི།། བདེ་བ་ཆེན་པོ་རྡོ་རྗེ་འཆང་།། སྐུ་ཡི་དཀྱིལ་འཁོར་འཆད་པར་མཛད།། ཕྱོགས་བཅུ་མཐའ་དང་དབུས་མེད
39b2 ཉིད།། འབར་བའི་དཀྱིལ་འཁོར་གཞལ་ཡས་ཁང་།། ཡེ་ཤེས་དཀྱིལ་འཁོར་ལྷུན་གྲུབ་པས།། ཕྱོགས་དུས་ཐིག་ལེ་ཆེན་པོ་ཉིད།། རང་བྱུང་འབར་བའི་དཀྱིལ་འཁོར་བཞི།། རྒྱུ་འབྲས་ཐིག་ལེས་བརྒྱན་པའི
39b3 གནས།། ཚད་མེད་སངས་རྒྱས་གྲུ་བཞི་སྟེ།། བདེན་པ་གཉིས་བརྒྱན་ཁམས་ཀྱིས་མཛེས།། རྣམ་པར་ཐར་པའི་སྒོ་བཞི་ལ།། དུར་ཁྲོད་རྒྱན་ཆས་རྟ་བབས་ལྡན།། ཐོད་ཕྲེང་བླ་རེ་ཉིད་ཟླའི་རྒྱན།། འཇིགས་ཤིང་མཛེས
39b4 པ་སྣ་ཚོགས་རྒྱན།། འཁོར་བ་རྨད་བྱུང་འབར་བའི་གནས།། ཁྲག་འཐུང་བཞུགས་པའི་གཞལ་ཡས་ཁང་།། མཁའ་འགྲོ་སྣ་ཚོགས་ཚོགས་པའི་ས།། རོལ་པའི་ལྷ་མོ་སྣ་ཚོགས་ཀྱང་།། ལྷ་དང་མཛེས་ཚུལ་སྣ་ཚོགས
39b5 ཀྱིས།། འཁོར་ལོའི་ཚུལ་དུ་གནས་པ་ལས།། མདོག་དང་རང་ཆས་ལུགས་བཞིན་དུ།། དགའ་དང་མཛེས་དང་ཆགས་པ་དང་།། རོལ་དང་སྡིག་པར་བྱེད་པ་དང་།། རྔམས་དང་ལས་ལ་བརྩོན་ལ་སོགས།། འཁོར་ལོའི
39b6 ཚུལ་དུ་བསྐོར་ཏེ་གནས།། ཞིང་ཁམས་བྱེ་བ་རྡུལ་མཉམ་པ།། ཁྲག་འཐུང་སོ་སོར་འཁོར་དང་བཅས།། མཉམ་པས་མཉམ་པའི་ཚུལ་སྟོན་ཅིང་།། སྐུ་དང་གསུང་ཐུགས་དབྱེར་མེད་པའི།། དེ་བཞིན་ཉིད་དུ་དབྱེར
iiif viewer powered by OpenSeadragon
