| e-texts navigator |
| Wylie |
399b1 ཀྱི་དབྱིངས་ཉིད་ལས།། ཅིས་ཀྱང་མི་ཚུགས་བཅོས་སུ་མེད།། ཁ་དོག་ནག་པོ་དངོས་པོ་ལ།། ཚོན་གཞན་དག་གིས་བསྒྱུར་དུ་མེད།། དེ་བཞིན་ཀུན་ལ་ཤེས་པར་བྱོས།། ཕྱོགས་ལྔ་ཞེས་བྱ་བའི་དམ་ཚིག་ནི། མཐའ་དང
399b2 དབུས་མེད་དེ་བཞིན་དུ།། དབྱེར་མེད་ངང་དུ་གནས་པ་ལ།། ཡེ་ཤེས་རྟོགས་པའི་དོན་བྱ་ཕྱིར།། ཕྱོགས་དང་དབུས་སུ་གནས་པར་བྱ།། སེམས་ཅན་མ་རིག་མདོངས་པ་ལ།། ཉོན་མོངས་མ་རིག་བསལ་བྱའི་ཕྱིར།། ཡེ
399b3 ཤེས་སྒྲོན་མ་འོད་འབར་བས།། མ་རིག་མུན་པ་སེལ་བར་བྱེད།། དེ་ཕྱིར་དེ་ལ་ཤར་ཞེས་བྱ།། སེམས་ཅན་མ་ལུས་ཐམས་ཅད་ལ།། ཉོན་མོངས་སྡུག་བསྔལ་མི་གནས་ཤིང་།། མ་རིག་མུན་པ་ནུབ་འགྱུར་བས།། དེ་ལ་ནུབ
399b4 ཀྱི་ཕྱོགས་ཞེས་བྱ།། སེམས་ཅན་ཀུན་གྱི་ཉོན་མོངས་ཀུན།། ཡེ་ཤེས་ཆེན་པོ་བདག་མེད་པས།། སྡུག་བསྔལ་རབ་ཏུ་བྱང་བྱས་ནས།། དེ་ལ་བྱང་གི་ཕྱོགས་ཞེས་བརྗོད།། དེ་ལྟར་མ་ལུས་ཐམས་ཅད་ལ།། ཐུགས་རྗེ་ཤར
399b5 དང་སྒྲིབ་པ་ནུབ།། རྣམ་རྟོག་མཚན་ཉིད་བྱུང་གྱུར་ན།། དེ་ཡི་ཡོན་ཏན་ཆེན་པོ་རྫོགས།། དེ་ལྟར་ཆོས་རྣམས་མ་ལུས་ཀུན།། རང་བཞིན་ཉིད་ཀྱི་དབྱིངས་སུ་འདུས།། ཕྱོགས་རྣམས་མ་ལུས་ཐམས་ཅད་ཀུན།། དེ་བཞིན
399b6 ཉིད་དུ་ཟླུམ་པའི་ཚུལ།། ཕྱོགས་རྣམས་ཀུན་ལ་དེ་ལྟར་བལྟ།། མ་རིག་ཕྱིན་ཅི་ལོག་རྣམས་ཀྱིས།། ཕྱོགས་རྣམས་སོ་སོར་བཟུང་འགྱུར་ན།། རྟག་ཏུ་ཉོན་མོངས་འཁོར་བར་འགྱུར།། དབང་པོ་ལྔ་ཞེས་བྱ་བའི་དམ་ཚིག་ནི།།
iiif viewer powered by OpenSeadragon
