| e-texts navigator |
| Wylie |
398b1 གཉིས་སུ་མེད།། དེ་རྟོགས་རྣམ་པར་ཐར་པའི་གནས།། གཟུགས་ཉིད་ལོངས་སྤྱོད་རྫོགས་པའི་སྐུ།། ཚོར་བའི་མཚན་ཉིད་བརྗོད་པ་ནི།། ཀུན་ལ་རྣམ་གསུམ་འབྱུང་མོད་ཀྱི།། བདེ་དང་མི་བདེ་དངོས་པོ་མེད།། གཉི་ག་མ
398b2 ཡིན་ལུང་མ་བསྟན།། སྣ་ཚོགས་ཚོར་བ་འབྱུང་འགྱུར་ཡང་།། ཚོར་དང་འབྱུང་བ་གཉི་ག་སྟོང་།། སྟོང་ཉིད་དངོས་པོ་ཡོད་མ་ཡིན།། དེ་རྟོགས་ཆོས་ཀྱི་གོ་བགོས་ཡིན།། འདུ་ཤེས་མཚན་ཉིད་བཤད་པ་ནི།། གསུམ་ཚོགས
398b3 མཚན་མར་འཛིན་པ་ཡིན།། སོ་སོ་མཚན་ཉིད་བཤིག་པ་ན།། དངོས་པོ་མེད་དེ་དེ་བཞིན་ཉིད།། དངོས་པོ་དེ་ནི་སྣ་ཚོགས་པ།། བྱ་བྱེད་མེད་པར་ཀུན་དུ་འཇུག། ཁམས་གསུམ་མ་ལུས་ཐམས་ཅད་ལ།། མཚན་མ་ཆེ་ཆུང
398b4 བསམ་མི་ཁྱབ།། ཁྱབ་མེད་དངོས་པོ་ཡོད་མ་ཡིན།། དེ་ལྟར་རྟོགས་ན་སངས་རྒྱས་མཚན།། འདུ་བྱེད་མཚན་ཉིད་འདི་ལྟར་གནས།། རྩ་བ་བརྒྱད་པའི་གྲངས་འགྱུར་ཏེ།། ལྔ་བཅུ་རྩ་གཅིག་ཀུན་ལ་འཕོ།། དེར་རྟོགས་རྩ་བ
398b5 ཡོད་མ་ཡིན།། མེད་བཞིན་ལོག་གཡོ་རྣམ་པར་འབྱུང་།། དེ་ལ་དངོས་པོར་འཛིན་པ་ནི།། རྟག་ཏུ་ཉོན་མོངས་གཡེངས་གྱུར་ནས།། ཁམས་གསུམ་བཙོན་ར་ཀུན་ཏུ་འཁོར།། ཡང་དག་དོན་ཕྱིར་རིག་པས་ནི།། འཕྲོ་བའི
398b6 གཞི་རྩ་དེ་བཞིན་དེ།། དེ་ལ་རྣམ་རིག་འབྱུང་བ་ནི།། དངོས་པོ་མེད་དེ་སྐད་ཅིག་མ།། ཡེ་ཤེས་དབྱིངས་ལ་རོལ་པ་མཛད།། སྤྲུལ་པའི་ཚོགས་ཆེན་ཡིན་པར་བཤད།། ཀུན་གྱི་འབྱུང་གནས་རྣམ་ཤེས་ཏེ།། དེ་ཡི་དངོས་པོའི
iiif viewer powered by OpenSeadragon
